ەۋرازيالىق ەكونوميكالىق كوميسسيا كەڭەسى «جەكە پايدالانۋعا ارنالعان تاۋارلارعا بايلانىستى جەكەلەگەن ماسەلەلەر تۋرالى» ەۋرازيالىق ەكونوميكالىق كوميسسيا كەڭەسىنىڭ 2017 جىلعى 20 جەلتوقسانداعى №107 شەشىمىنە وزگەرىستەر ەنگىزۋ تۋرالى» 2022 جىلعى 17 ناۋرىزداعى № 35 شەشىمىن قابىلدادى.
شەشىم رەسمي جاريالانعان كۇنىنەن باستاپ كۇنتىزبەلىك 10 كۇن وتكەن سوڭ, ياعني 2022 جىلعى 31 ناۋرىزدان باستاپ كۇشىنە ەنەدى (ەۋرازيالىق ەكونوميكالىق كوميسسيانىڭ رەسمي سايتىندا 2022 جىلعى 21 ناۋرىزدا جاريالانعان).
شەشىمدە 2022 جىلعى 1 قازانعا دەيىن ەۋرازيالىق ەكونوميكالىق وداقتىڭ كەدەندىك اۋماعىنا تاسىمالداۋشى جەتكىزەتىن نەمەسە حالىقارالىق پوشتا جونەلتىلىمدەرىمەن جىبەرىلەتىن جەكە پايدالانۋعا ارنالعان تاۋارلاردى باجسىز اكەلۋدىڭ قۇندىق شەگىن 200 ەۋرودان 1000 ەۋروعا دەيىن ارتتىرۋ كوزدەلگەن. بۇل رەتتە سالماق شەگى قولدانىستاعى شەكتەردە قالادى – 31 كيلوعا دەيىن.
كورسەتىلگەن كەزەڭدە ەۋرازيالىق ەكونوميكالىق وداقتىڭ كەدەندىك اۋماعىنا تاسىمالداۋشى جەتكىزەتىن نەمەسە حالىقارالىق پوشتا جونەلتىلىمدەرىمەن 1000 ەۋرو جانە 31 كيلو شەگىندە جىبەرىلەتىن جەكە پايدالانۋعا ارنالعان تاۋارلارعا كەدەندىك تولەمدەر سالىنبايدى.
بۇل شەك ۋاقىتشا نەگىزدە – 2022 جىلعى 1 قازانعا دەيىن ۇلعايتىلدى. وسىلايشا, 2022 جىلعى 31 ناۋرىزدان باستاپ 1 قازانعا دەيىنگى كەزەڭدە, ەگەر سالەمدەمەنىڭ قۇنى 1000 ەۋرو سوماسىنان اسىپ كەتسە جانە (نەمەسە) ونىڭ سالماعى 31 كيلودان اساتىن بولسا, الۋشى قۇننىڭ 15% مولشەرىندە, بىراق قۇننىڭ جانە (نەمەسە) سالماق نورماسىنىڭ اسىپ كەتۋى بولىگىندە 1 كيلو ءۇشىن 2 ەۋرودان كەم ەمەس كەدەندىك باج تولەۋى قاجەت.