الماتىداعى حمەلنيتسكي مەن گەتە كوشەلەرىنىڭ قيىلىسىندا Toyota Prado جانە Jeep Grand Cherokee كولىكتەرى سوقتىعىسقان. اپات سالدارىنان ءبىر ادام قازا تاۋىپ ەكىنشى ادام اۋىر حالدە جانساقتاۋ بولىمىندە جاتىر دەپ حابارلادى Egemen.kz الماتى قالالىق پد ءباسپاسوز قىزمەتىنە سىلتەمە جاساپ.
وقيعا كوشەدەگى بەينەباقىلاۋ كامەرالارىنا ءتۇسىپ قالعان.
جول-كولىك وقيعاسى بولماي تۇرىپ, پولياتسياعا Toyota Prado كولىگىنىڭ ۇرلانعانى تۋرالى اقپارات تۇسكەن. كولىك يەسى ماشيناسىنىڭ سەيفۋللين داڭعىلىنىڭ بويىندا تۇرعان جەرىنەن ۇرلانعانىن ايتقان.
جەدەل ىزدەستىرۋ شارالارى بارىسىندا كۇدىكتىنىڭ جەكە باسى انىقتالدى. ول 20 جاستاعى ا. ەسىمدى ازامات بولىپ شىقتى.
«جول بويىنداعى بەينەكامەرالاردان ۇرلانعان كولىكتىڭ قاتتى جىلدامدىقپەن جۇرگەنى انىق كورىنەدى. اپات سالدارىنان سوعىلعان Grand Cherokee كولىگىنىڭ 19 جاستاعى جولاۋشىسى اۋرۋحانادا كوز جۇمدى. ال جۇرگىزۋشى بولسا اۋىر حالدە جانساقتاۋ بولىمىندە جاتىر. كولىك ۇرلاپ, جول اپاتىن جاساعان جۇرگىزۋشى وقيعا ورنىنان قاشىپ كەتكەن. ارتىنان جەدەل ىزدەستىرۋ شارالارىنىڭ ناتيجەسىندە قولعا ءتۇستى. انىقتالعانداي, ول ماس كۇيدە بولعان», دەدى الماتى قالالىق پد كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.
اتالعان ءىس بىردەن قك-ءتىڭ ءۇش بىردەي 345, 347, جانە 200-ءشى باپتارى بويىنشا تەرگەلۋدە.