قر ءبىلىم جانە عىلىم مينيسترلىگى «بولاشاق» حالىقارالىق ستيپەندياسىن تاعايىنداۋ ءۇشىن قۇجاتتاردى قابىلداۋ جانە كونكۋرس وتكىزۋ مەرزىمدەرىن بەلگىلەيتىن بۇيرىق دايىندادى, دەپ حابارلايدى Egemen.kz.
بيىل كونكۋرسقا قاتىسۋ ءۇشىن ۇمىتكەرلەردىڭ قۇجاتتارىن قابىلداۋ 2 مامىردان 7 قازانعا دەيىن, كونكۋرستىڭ ءوزىن وتكىزۋ 16 مامىردان 30 قاراشاعا دەيىن بەلگىلەندى.
بۇدان باسقا, قۇجاتتا 2022 جىلعا ارنالعان «بولاشاق» باعدارلاماسى بويىنشا شەتەلدە وقۋعا بولاتىن ماماندىقتار تىزبەسى ۇسىنىلعان.
اتاپ ايتقاندا, وعان مىنالار كىردى:
ساندىق ەكونوميكا. ساندىق ماركەتينگ. يننوۆاتسيالىق مەنەدجمەنت. تەحنولوگيالار مەنەدجمەنتى. ۇلكەن دەرەكتەردى تالداۋ. سالالار بويىنشا بولجامدى تالداۋ. اقپاراتتىق (كيبەر) قاۋىپسىزدىك جانە كريپتوگرافيا. كاسىپكەرلىك. الەۋمەتتىك كاسىپكەرلىك. روبوتوتەحنيكا. مەدياتەحنولوگيا. ساندىق مەديا. سەرۆيستىك پلاتفورمالاردى ازىرلەۋ. كورنەكى مازمۇندى جوبالاۋ. قارجىلىق تەحنولوگيالار جانە تاعى باسقالار.بۇيرىق جوباسى 7 ساۋىرگە دەيىن اشىق نقا سايتىندا جاريا تالقىلاۋ ءۇشىن ورنالاستىرىلعان.