قاسىم-جومارت توقاەۆ قاڭتار وقيعاسى كەزىندە بۇزاقىلاردىڭ شابۋىلىنا ۇشىراعان الماتىداعى «Asia Park» ساۋدا ويىن-ساۋىق ورتالىعىنا باردى, دەپ حابارلايدى Egemen.kz اقورداعا سىلتەمە جاساپ.
پرەزيدەنتكە زارداپ شەككەن كاسىپكەرلەر تاراپىنان تۇسكەن وتىنىشتەردىڭ ءبارى قاراستىرىلىپ جاتقانى تۋرالى مالىمەت بەرىلدى. جەرگىلىكتى اكىمدىكتىڭ اقپاراتىنا سايكەس, قازىر بارلىعى 1 236 ءوتىنىش قولداۋ تاپقان. جالپى 6,191 ملرد تەڭگە كومەككە ءبولىندى. سونىمەن قاتار جۋىق ارادا شىعىن كولەمى شامامەن 20 ميلليارد تەڭگە بولاتىن تاعى 170-كە جۋىق ءوتىنىش قارالاتىنى ايتىلدى.
بۇدان كەيىن قاسىم-جومارت توقاەۆ زارداپ شەككەن ورتا جانە شاعىن بيزنەس وكىلدەرىمەن كەزدەستى. مەملەكەت تاراپىنان شىعىنى وتەلگەن جەكە كاسىپكەرلەر قولداۋ كورسەتكەنى ءۇشىن قاسىم-جومارت توقاەۆقا العىس ايتتى. پرەزيدەنت شاعىن جانە ورتا بيزنەسكە قولداۋ جالعاساتىنىن, زارداپ شەككەندەردىڭ شىعىنى وتەلەتىنىن جەتكىزدى. مەملەكەت باسشىسى كاسىپكەرلەرمەن كەزدەسۋدەن كەيىن نىسانداعى قالپىنا كەلتىرىلگەن ساۋدا نۇكتەلەرىن ارالادى.