مەملەكەت باسشىسى قاسىم-جومارت توقاەۆ ەۋروپالىق قايتا قۇرۋ جانە دامۋ بانكىنىڭ پرەزيدەنتى وديل رەنو-باسسومەن بەينەبايلانىس رەجيمىندە كەزدەسۋ وتكىزدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى قاسىم-جومارت توقاەۆ ەۋروپالىق قايتا قۇرۋ جانە دامۋ بانكىنىڭ پرەزيدەنتى وديل رەنو-باسسومەن بەينەبايلانىس رەجيمىندە كەزدەسۋ وتكىزدى.
قاسىم-جومارت توقاەۆ ەۋروپالىق قايتا قۇرۋ جانە دامۋ بانكىمەن اراداعى ءتيىمدى ءارى ۇزاق مەرزىمدى ىنتىماقتاستىقتىڭ وڭ قارقىنىنا كوڭىلى تولاتىنىن اتاپ ءوتتى.
ء«وزارا ىقپالداستىق اياسىندا زور ناتيجەلەرگە قول جەتكىزدىك. قازاقستان ۇكىمەتى مەن ەۋروپالىق قايتا قۇرۋ جانە دامۋ بانكى اراسىنداعى ءتيىمدى ىنتىماقتاستىق ودان ءارى نىعايا بەرەتىنىنە سەنىمدىمىن», دەدى مەملەكەت باسشىسى.
وديل رەنو-باسسو قاسىم-جومارت توقاەۆتىڭ باسشىلىعىمەن جۇرگىزىلىپ جاتقان رەفورمالاردى, 16 ناۋرىزداعى قازاقستان حالقىنا جولداۋدا ايتىلعان باستامالاردى قولدايتىنىن جەتكىزدى.
ەۋروپالىق قايتا قۇرۋ جانە دامۋ بانكىنىڭ باسشىسى قازاقستاننىڭ كومىرتەگىنە بەيتاراپتىققا قول جەتكىزۋ جونىندە مالىمدەگەن ماقساتتارى اياسىنداعى ىنتىماقتاستىقتى دامىتۋعا دايىن ەكەنىن ناقتىلادى.
اڭگىمە سوڭىندا قاسىم-جومارت توقاەۆ وديل رەنو-باسسونى قازاقستانعا كەزەكتى رەت ساپارمەن كەلۋگە شاقىردى.