جالىندى جاستار باس قوستى

جاستاردىڭ ىنتىماعىن ارتتىرۋ ماق­سا­تىندا ۇيىمداستىرىلعان جيىنعا قمدب توراعاسى, باس ءمۇفتي ناۋ­رىز­باي قاجى تاعان ۇلى, اق­پارات جانە قوعامدىق دامۋ مي­نيستر­لىگى ­جاس­تار جانە وتباسى ىستەرى­ كو­مي­تەتىنىڭ توراعاسى شاحماردان بايمانوۆ, Amanat پارتياسى جاس­تار قاناتىنىڭ جەتەكشىسى نۇرجان جەتپىسباەۆ, Qazaqstan team جاس­تار ۇيىمىنىڭ باسشىسى ولجاس سۇ­لەي­مە­نوۆ, سونداي-اق بەلسەندى جاستار مەن قمدب جاستار ءىسى سەكتورىنىڭ ءار وڭىر­دە­گى وكىلدەرى قاتىستى.

باس ءمۇف­تي ناۋرىزباي قاجى بايانداماسىندا جاستاردىڭ پىكىرىمەن ساناسىپ, ماسەلەلەردى بىرلەسىپ شە­شۋ­دىڭ ماڭىزدى ەكەنىن, سونداي-اق جاستارعا بوس ۋاقىتتى دۇرىس وتكى­زۋ­­دىڭ جولدارىن باياندادى. «كەز كەلگەن نارسە بەلگىلى ءبىر ۋا­قىت­پەن جاراتىلعان. ءاربىر ءىس بەل­گىلى ءبىر ولشەممەن بەل­گى­لەنەدى. سول ولشەم­دەردىڭ ءبىرى – ادام­نىڭ ومىر­گە كەلۋى, ەر جەتۋى, قار­تايىپ, دۇ­نيە­دەن وزۋى. ۋاقىت بىزگە ەمەس, ءبىز ۋا­قىتقا تاۋەلدىمىز. ويت­كە­نى ۋا­قىت­تى ءبىز قالاعان كەزىمىزدە ۇزار­تىپ, قالاعان كەزىمىزدە قىسقارتا ال­ماي­مىز. ۋاقىتتىڭ ولشەمى – ۇلى جاراتۋشىنىڭ قۇزىرىنداعى ماسەلە. ۋاقىت الدىندا مۇسىلماننىڭ ەكى مىندەتى بار. ءبىرىنشىسى – ۋاقىتتى جۇيە­لەۋ. ەكىنشىسى – بوس ۋاقىتتى ءتيىمدى پاي­دالانۋ. بوس ۋاقىت –­­ اللانىڭ بىزگە بەرگەن ۇلى نىعمەتى. ءبىز ­تيىسىنشە شۇ­كىر ەتۋىمىز كەرەك», دەدى ­باس ءمۇفتي ناۋرىز­باي قاجى.

فورۋم كەزىندە جاستارعا ارناپ سەمينار-ترەنينگتەر ءوتىپ, قاتىسۋشىلار بەل­گىلى ساراپشىلارمەن كەزدەستى. ءىس-شارا سوڭىندا ارنايى ۇندەۋ قابىل­دان­دى.