ەلىمىزدە بالالاردىڭ تەرەزەدەن قۇلاۋ دەرەكتەرىنىڭ كوبەيۋىنە بايلانىستى «تەرەزە – SAFE» رەسپۋبليكالىق اقپاراتتىق ناۋقانى ىسكە قوسىلدى. بۇل باستاما «قازاقستان بالالارى» تۇجىرىمداماسى اياسىندا جۇزەگە اسىپ, جازاتايىم وقيعالاردىڭ الدىن الۋعا باعىتتالعان. 2025 جىلدىڭ قورىتىندىسى بويىنشا مۇنداي جاعدايلار 2023 جىلمەن سالىستىرعاندا 1,8 ەسەگە ارتقان. قاۋىپ توبىندا, نەگىزىنەن, 2-5 جاس ارالىعىنداعى بالالار تۇر, دەپ جازادى Egemen.kz.
ناۋقاننىڭ وزەگى – ءار وتباسىنىڭ كۇندەلىكتى ومىرىنە «قاۋىپسىزدىك مينۋتى» قاعيداتىن ەنگىزۋ. بۇل ەرەجە بويىنشا اتا-انالار كۇن سايىن ءۇيدى قىسقاشا تەكسەرىپ شىعۋدى ادەتكە اينالدىرۋى ءتيىس. اسىرەسە, تەرەزە بۇعاتتاعىشتارىنىڭ مىقتىلىعىنا, سونداي-اق تەرەزە ماڭىندا بالا شىعىپ كەتۋى مۇمكىن جيھازدىڭ بولماۋىنا نازار اۋدارۋ قاجەت. باستى ماقسات – تۇرمىستىق قاۋىپسىزدىك داعدىلارىن قالىپتاستىرۋ. ناۋقان اياسىندا وڭىرلەردە بىرقاتار ناقتى ءىس-شارالار قولعا الىنادى.
وقۋ-اعارتۋ مينيسترلىگىنىڭ مالىمەتىنشە, ءبىلىم بەرۋ مەكەمەلەرىندە «قاۋىپسىز ءۇي» تاقىرىبىندا ارنايى ساباقتار وتكىزىلىپ, اتا-انالارمەن ءتۇسىندىرۋ جۇمىستارى جۇرگىزىلەدى. تۇرعىن ءۇي سەكتورىندا ءۇي باسقارۋشىلارى مەن بەلسەندى تۇرعىنداردىڭ قاتىسۋىمەن تەرەزەلەرگە ارنايى ق ۇلىپتار ورناتۋ, سونداي-اق اقپاراتتىق پاراقشالار تاراتۋ كوزدەلگەن.
بيىل 60 بالا تەرەزەدەن قۇلاپ كەتكەن
ال دەنساۋلىق ساقتاۋ سالاسىندا پاتروناجدىق تەكسەرۋلەر كەزىندە مەديتسينا قىزمەتكەرلەرى ۇيگە شاعىن «قاۋىپسىزدىك ءاۋديتىن» جۇرگىزىپ, اتا-انالارعا ناقتى ۇسىنىمدار بەرەدى.
بۇل باستاما مەملەكەتتىك ورگاندار, ۇكىمەتتىك ەمەس ۇيىمدار, قوعام جانە باق وكىلدەرىنىڭ بىرلەسكەن جۇمىسى ارقىلى جۇزەگە اسادى. ورتاق كۇش-جىگەردىڭ ناتيجەسىندە اتا-انالاردىڭ جاۋاپكەرشىلىگى ارتىپ, ءار ۇيدە قاۋىپسىز ورتا قالىپتاستىرۋ كوزدەلىپ وتىر. ۇزاق مەرزىمدە بۇل شارالار بالالار قاۋىپسىزدىگىنىڭ بىرىڭعاي ستاندارتتارىن ورنىقتىرىپ, جاراقات الۋ قاۋپىن جۇيەلى تۇردە ازايتۋعا مۇمكىندىك بەرەدى.
اكتوبەدە ءبىر تاۋلىكتە ەكى بالا تەرەزەدەن قۇلاپ كەتكەن