2022 جىلدىڭ 18-20 ناۋرىز ارالىعىندا بەلگراد قالاسىندا (سەربيا) جابىق عيماراتتا جەڭىل اتلەتيكادان الەم چەمپيوناتى وتەدى. جارىسقا قازاقستان اتىنان ءۇش سپورتشى قاتىسادى, دەپ حابارلايدى Egemen.kz ۇوك-كە سىلتەمە جاساپ.
«الداعى الەم چەمپيوناتىنا قاتىساتىن بارلىق سپورتشىلار وقۋ-جاتتىعۋ جيىندارىن اياقتادى. سوڭعى ەكى ايدا ەل ىشىندە جارىستار ءوتىپ, ولاردىڭ كورسەتكىشتەرىن, تەحنيكاسىن جانە فيزيكالىق كورسەتكىشتەرىن جاقسارتۋعا پراكتيكالىق مۇمكىندىك بەردى.
ءتورت سپورتشى الەمدىك باسەكەدە قاتىسۋعا مۇمكىندىك الدى. ولار: ولگا سافرونوۆا (60 مەترگە جۇگىرۋ), داۆيد ەفرەموۆ (60 مەترگە كەدەرگىلەر ارقىلى جۇگىرۋ), ميحايل ليتۆين (400 مەترگە جۇگىرۋ) جانە نادەجدا دۋبوۆيتسكايا (بيىكتىككە سەكىرۋ). دەگەنمەن, ولگا سافرونوۆادان باسقالارى چەمپيوناتتا باق سىنايدى. ول باپكەلەر شەشىمىمەن جازعى جارىس ماۋسىمىنا, اتاپ ايتقاندا ازيا ويىندارى مەن ورەگونداعى الەم چەمپيوناتىنا قاتىسۋ ءۇشىن دايىندىعىن پىسىقتايدى», دەدى باس باپكەر دميتري كارپوۆ.
ايتا كەتسەك, بۇگىندە جەڭىل اتلەتيكادان ەل قۇراماسى بەلگرادقا اتتاندى. قازاقستان ساپىنان ءبىرىنشى بولىپ جارىس جولىنا ميحايل ليتۆين شىعادى.