دەنساۋلىق ساقتاۋ ۇيىمدارى ايماقتارعا بولىنەدى

«وسى قاۋلىعا قوسا بەرىلگەن 2-قوسىمشاعا سايكەس دەنساۋلىق ساقتاۋ ۇيىمدارىن ايماققا ءبولۋدى جانە جۇمىس رەجيمىن ساقتاۋ قامتاماسىز ەتىلسىن», دەپ جازىلعان قاۋلىدا.

اتالعان قوسىمشا ينفەكتسيالىق ستاتسيونارلاردا ولاردى «تازا» جانە «لاس» ايماقتارعا قاتاڭ ءبولۋدى قامتاماسىز ەتۋ كەرەكتىگى ايتىلعان. «تازا» ايماققا مىنالار جاتادى:

1) مەديتسينا قىزمەتكەرلەرىنە ارنالعان كىرۋ توبى, سىرتقى كيىمگە ارنالعان گاردەروب, كىرەتىن جەردە «لاس» ايماققا دەيىنگى جانە شىعاتىن جەردە «لاس» ايماقتان كەيىنگى سانيتاريالىق وتكىزگىش, وسى بلوكتارداعى قوسالقى ءۇي-جايلار;

2) ورديناتور, مەيىرگەر, بولىمشە مەڭگەرۋشىسى كابينەتتەرى, اعا مەيىرگەر, شارۋاشىلىق بيكەلەرى جانە باسقا دا پەرسونال كابينەتتەرى, سانيتاريالىق توراپ, ولاردىڭ شارۋاشىلىق ءۇي-جايلارى. بۇل رەتتە ولارعا كىرەتىن جەر جەكە قورعانىش قۇرالدارىن (بۇدان ءارى – جقق) شەشۋگە ارنالعان شليۋز جانە دۋش ارقىلى بولۋى ءتيىس;

3) اكىمشىلىك كابينەتتەرى جانە باسقا دا اكىمشىلىك ءۇي-جايلار;

4) كوشەدەن كىرەتىن جەرى بار جانە «لاس» ايماقتىڭ ىشىندە شىعاتىن جەر جوق تەحنيكالىق ءۇي-جايلار. ال «لاس» ايماققا وسى قوسىمشانىڭ 2-تارماعىندا كورسەتىلگەندەردەن باسقا ستاتسيوناردىڭ ءۇي-جايلارى جاتادى.

قوسىمشادا سانيتارلىق وتكىزگىشتەردى 2 اعىمعا بولە وتىرىپ پايدالانۋ كەرەكتىگى كورسەتىلگەن:

1) اۋىسىمعا كىرەتىن جەردە «تازا» ايماقتان «لاس» ايماققا;

2) اۋىسىمنان شىعاتىن جەردە «لاس» ايماقتان «تازا» ايماققا قامتاماسىز ەتۋ قاجەت. «بۇل رەتتە اعىمدار قيىلىسپاۋى ءتيىس», دەلىنگەن قۇجاتتا.