تابىستى ارتتىرۋ باعدارلاماسى قابىلداندى

كوكتەمگى ەگىستى قارجىلاندىرۋ 70 ملرد تەڭگەگە ارتادى

العاشقى ماسەلە تۋرالى ەنەرگەتيكا ءمينيسترى بولات اقشولاقوۆ, اۋىل شارۋا­شىلىعى ءبىرىنشى ۆيتسە-ءمينيسترى ايداربەك ساپاروۆ, قوستاناي, سولتۇستىك قازاقستان, تۇركىستان جانە جامبىل وبلىستارىنىڭ اكىمدەرى بايانداما جاسادى.

ايداربەك ساپاروۆ بيىل كوكتەمگى ەگىس جانە ەگىن جيناۋ جۇمىستارىن قارجى­لاندىرۋ كولەمى 70 ملرد تەڭگەگە ارتاتىنىن مالىمدەدى. ماسەلەنى قورىتىندىلاعان ۇكىمەت باسشىسى ءاليحان سمايىلوۆ كوكتەمگى ەگىس جۇمىستارىن ۋاقتىلى جانە ساپالى جۇرگىزۋ ماڭىزدى مىندەتتەردىڭ ءبىرى, ويتكەنى بۇل – ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋ ءۇشىن وزەكتى ماسەلە ەكەنىن اتاپ ءوتتى. «قازىر بۇكىل الەمدە اۋىل شارۋاشىلىعى ونىمدەرىنە سۇرانىس كۇن ساناپ ارتىپ كەلەدى. سۇرانىسقا ساي ونىڭ باعاسى دا قىمباتتاپ بارادى. وسىعان بايلانىستى اۋىل شارۋاشىلىعى ءونىمىنىڭ ىشكى تۇتىنۋىن دا, ەكسپورتتىق الەۋەتىن دە قامتاماسىز ەتۋ – اسا ماڭىزدى ماسەلە», دەدى ءا.سمايىلوۆ.

ەلىمىزدە بيىلعى جالپى ەگىس الاڭى 23,1 ملن گەكتاردى قۇرايدى, بۇل 2021 جىلدىڭ كورسەتكىشىنەن 125 مىڭ گەكتارعا ارتىق. «فەرمەرلەر باسىمىراق قارجىلاندىرۋدى قامتاماسىز ەتە وتىرىپ, سۇرانىسى جوعارى ءداندى داقىلداردىڭ ەگىستىك القاپتارىن ۇلعايتۋى ءتيىس. بۇل رەتتە ءونىمدى كوپ بەرەتىن جانە ەكسپورتقا شىعاتىن داقىل­داردى ەگۋگە ايرىقشا كوڭىل ءبولۋ كەرەك», دەدى مينيسترلەر كابينەتىنىڭ باسشىسى.

وبلىس اكىمدىكتەرىنىڭ دەرەكتەرىنە سايكەس, بيىل بارلىعى 658,7 مىڭ توننا مينەرالدى تىڭايتقىش سەبۋ جوسپارلانعان, بۇل وتكەن جىلعىمەن سالىستىرعاندا 32,2 مىڭ تونناعا ارتىق. پەستيتسيدتەردى سۋبسيديالاۋ باعدارلاماسى بويىنشا 2022 جىلعا 31,7 ملرد تەڭگە قاراستىرىلعان, بۇل ەگىس القاپتارىنىڭ وڭدەلۋىن 100%-عا قامتاماسىز ەتەدى. پرەمەر-مينيستر تىڭايتقىشتار مەن پەستيتسيدتەردى ساتىپ الۋ قۇنىنىڭ 50%-ىن سۋبسيديالاۋ ءارى قاراي جالعاساتىنىن اتاپ ءوتتى. سونداي-اق تۇقىم ساتىپ الۋ, قايتا وڭدەۋگە تاپسىرىلاتىن داقىلدار ءوندىرۋ, سۋ بەرۋ بو­يىنشا كورسەتىلەتىن قىزمەت قۇنىن سۋبسيديالاۋ دا بىلتىرعى شامادا ساقتالادى. تەحنيكالاردى جاڭارتۋ ءۇشىن ۇكىمەت كرەديتتەر مەن ليزينگتى ينۆەستيتسيالىق سۋبسيديالاۋ جانە پايىزدىق مولشەرلەمەنى سۋبسيديالاۋ كولەمىن ۇلعايتادى.

كوكتەمگى دالا جۇمىستارىنا دايىن­دىق اياسىندا ءا.سمايىلوۆ بىرقاتار ناق­تى تاپسىرما بەردى. اتاپ ايتقاندا, اۋىل شارۋاشىلىعى مينيسترلىگى مەن اكىم­دىكتەرگە الەۋمەتتىك ماڭىزى بار داقىلدار مەن جەمشوپتىڭ قاجەتتى كولەمىن سەبە وتىرىپ, اۋىل شارۋاشىلىعى جەرلەرىن ءارتا­راپتاندىرۋ تاپسىرىلدى. سونداي-اق مينەرالدىق تىڭايتقىشتاردى وندىرۋ­شى­لەرمەن الدىمەن ىشكى نارىقتى قامتا­ماسىز ەتۋ ماسەلەسىن پىسىقتاۋ تاپسى­رىلدى. ەكولوگيا مينيسترلىگى مەن اكىم­دىكتەرگە اۋىل شارۋاشىلىعى تاۋارىن وندىرۋشىلەردى جاز بويى سۋمەن قامتاماسىز ەتۋ تاپسىرىلدى.

حالىق تابىسىن ارتتىرۋ باعدارلاماسى تانىستىرىلدى

ۇكىمەت وتىرىسىندا 2025 جىلعا دەيىن­گى حالىق تابىسىن ارتتىرۋ باعدارلاماسى قارالدى. مەملەكەت باسشىسى ق.توقاەۆ بيىل 11 قاڭتاردا ءماجىلىس وتىرىسىندا سويلەگەن سوزىندە حالىقتىڭ جۇمىس­پەن قامتىلۋى مەن تابىسىنىڭ تومەن­دىگى پروبلەمالارىنا توقتالىپ, ۇكىمەت­كە حالىقتىڭ تابىسىن ارتتىرۋ باعدار­لاماسىن ازىرلەۋدى تاپسىردى.

وتىرىستا بايانداما جاساعان ۇلتتىق ەكونوميكا ءمينيسترى الىبەك قۋانتىروۆ اتاپ وتكەندەي, وسى تاپسىرمانى ورىنداۋ ماقساتىندا مينيسترلىك مەملەكەتتىك ورگاندارمەن, ۇلتتىق كاسىپكەرلەر پالاتاسىمەن جانە ساراپشىلىق قاۋىمداستىقپەن بىرلەسىپ, كەدەيشىلىك پەن جۇمىسسىزدىق دەڭگەيى بويىنشا ناقتى جاعدايعا تالداۋ جۇرگىزىپ, باعدارلاما جوباسىن ازىرلەدى. ءا.قۋانتىروۆتىڭ ايتۋىنشا, تالداۋ ناتيجەلەرى بويىنشا, تۇراقتى وڭ ديناميكاعا قاراماستان, سوڭعى ەكى جىلدا حالىقتىڭ ناقتى اقشالاي تابىسىنىڭ ءوسۋ قارقىنى 2019 جىلعى 6,4%-دان 2021 جىلعى قاڭتار-اقپاندا 3,1%-عا دەيىن باياۋلاعانى ايقىندالدى. «سونىمەن قاتار حالىق تابىسىنىڭ قۇرىلىمىندا ەڭبەك ەتۋدەن تۇسەتىن كىرىستەردىڭ تومەندەۋى جانە الەۋمەتتىك ترانسفەرتتەردەن كىرىستەردىڭ ءوسۋى بايقالادى. حالىقتىڭ ەڭبەك ەتۋدەن تۇسەتىن تابىسىنىڭ ۇلەسى سوڭعى 10 جىلدا 10,8 پايىزدىق تارماققا تومەندەدى. ءوز كەزەگىندە, الەۋمەتتىك ترانسفەرتتەردىڭ ۇلەسى, كەرىسىنشە, 10 پايىزدىق تارماققا ءوستى», دەدى ءا.قۋانتىروۆ.

بۇدان كەيىن مينيستر ۇكىمەتتىڭ بۇكىل ەكونوميكالىق ساياساتىنىڭ جالپى ماقساتى حالىق تابىسىن ارتتىرۋ بولعاندىقتان, باعدارلاما ۇلتتىق جوبالارمەن ءوزارا بايلانىستى ەكەنىن اتاپ ءوتتى. باعدارلاما شەڭبەرىندەگى شارالاردى شارتتى تۇردە تىكەلەي جانە جاناما دەپ بولۋگە بولادى. تىكەلەي شارالار بيۋدجەت جۇمىسكەرلەرىنىڭ جالاقىسىن كوتەرۋگە جانە كىرىستەردەگى تەڭگەرىمسىزدىكتى تەڭەستىرۋگە باعىتتالعان. جاناما شارالار حالىقتى جۇمىسپەن قامتۋعا جاردەمدەسۋ, كاسىپتىك دايارلاۋ (قايتا دايارلاۋ), وڭدەۋشى كاسىپورىنداردىڭ ونىمدىلىگىن ارتتىرۋ جانە كاسىپكەرلىكتى دامىتۋ ارقىلى تابىستىڭ ءوسۋ مۇمكىندىكتەرىن كەڭەيتۋگە باعىتتالعان. باعدارلاما 80 شارادان تۇرادى, ولار مىناداي نەگىزگى باعىتتارعا بولىنگەن: حالىقتىڭ ەڭبەك تابىسىنىڭ ارتۋى; كەڭ اۋقىمدى جۇمىسپەن قامتۋدى دامىتۋ ارقىلى حالىقتىڭ تابىسىن ارتتىرۋ; ساتىپ الۋ قابىلەتىن قورعاۋ. باعدارلامانى ىسكە اسىرۋ لايىقتى ەڭبەك پەن ماسىلدىقتان باس تارتۋ يدەيالارىن ىلگەرىلەتۋ جونىندەگى اقپاراتتىق-ءتۇسىندىرۋ جۇمىسىمەن قاتار جۇرەتىن بولادى. ەڭبەك تابىسىن ارتتىرۋ باعىتى اياسىندا 22 شارا ىسكە اسىرىلادى. «ەڭبەك تابىسىنىڭ ءوسۋىن قامتاماسىز ەتۋ ءۇشىن دەنساۋلىق ساقتاۋ, ءبىلىم بەرۋ, مادەنيەت, عىلىم سالالارى جۇمىسكەرلەرىنىڭ ورتاشا جالاقىسى كوتەرىلەدى. ءوندىرىس كاسىپ­ورىندارى جۇمىسكەرلەرىنىڭ تابىسىنداعى تەڭگەرىمسىزدىكتەردى جويۋ بويىنشا شارالار قابىلدانادى», دەدى ءا.قۋانتىروۆ.

ءا.قۋانتىروۆتىڭ ايتۋىنشا, جوعارىدا اتالعان ءىس-شارالاردى ىسكە اسىرۋ 2025 جىلعا قاراي مىناداي 5 نىسانالى ينديكا­تورعا جوسپارلى تۇردە قول جەتكىزۋدى قام­تاماسىز ەتەدى: ءىجو-دەگى ەڭبەكاقىنىڭ ۇلەسى – 34,5%-دى قۇرايدى; جالپى تابىستاعى ەڭبەك قىزمەتىنەن تۇسكەن تابىستار ۇلەسى – 76,2% بولادى; تابىسى ەڭ تومەن كۇنكورىس دەڭگەيىنەن از حالىقتىڭ ۇلەسى – 5,2%-دى قۇ­رايدى; جۇمىسسىزدىق دەڭگەيى – 4,7% بولادى; بۇكىل كەزەڭ ىشىندە بارلىعى 2 ملن-نان استام ادامعا جۇمىس ورىندارى قۇرىلادى.

ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ حالىق تابىسىن ارتتىرۋ جونىندەگى 2025 جىلعا دەيىنگى باعدارلاما شەڭبەرىندە مينيسترلىك جاڭا جۇمىس ورىندارىن قۇرۋ, حالىقتى جۇمىسپەن قامتۋعا جاردەمدەسۋ, ەڭبەك رەسۋرستارىنىڭ داعدىلارىن جەتىلدىرۋ جانە جاستاردى كاسىپتىك باعدارلاۋ بويىنشا 3 نەگىزگى باعىتتا جۇمىستار جۇرگىزەتىنىن باياندادى. ەڭبەك جانە حالىقتى الەۋمەتتىك قورعاۋ مينيسترلىگىنىڭ قاتىسۋىمەن بارلىعى 33 ءىس-شارا قاراستىرىلعان, ونىڭ 16-سىن تىكەلەي مينيسترلىك جۇزەگە اسىرادى. «بۇل شارالار كۇنكورىس دەڭگەيىنەن تومەن تابىس تاباتىن حالىقتىڭ ۇلەسىن ازايتۋ, جۇمىسسىزدىق كولەمىن تومەندەتۋ, 2025 جىلعا دەيىن 2 ملن جاڭا جۇمىس ورىندارىن قۇرۋدى كوزدەيدى», دەدى س.شاپكەنوۆ.

ونىڭ ايتۋىنشا, بۇگىندە ەڭبەك نارى­عىندا 300 مىڭعا جۋىق ءوزىن ءوزى جۇ­­مىس­­پەن قامتىعاندار ازاماتتىق كەلى­سىم­­شارتتار نەگىزىندە جۇمىس اتقارۋدا. تاپسىرىس بەرۋشىلەر مەن ورىنداۋ­­شى­­لاردىڭ اراسىنداعى قارىم-قاتىناس – كۇردەلى بيۋروكراتيالىق پروتسەسس. سون­­داي-اق شەت­ەل­دىك جۇمىس كۇشىنىڭ قۇرامىندا 60%-عا جۋىعى جۇمىسشى مامان­دىق­تارى بويىنشا تارتىلادى. وسى ماسە­لەلەردى ەسكەرە وتىرىپ: بىرىنشىدەن, مينيس­ترلىك فريلانسەرلەردىڭ قىزمەتىن تسيفر­لى فورماتقا وتكىزۋ ماقساتىندا «پلات­فورمالىق جۇمىس» ەلەكتروندى سەرۆيسىن ازىرلەيدى. بۇل ءارتۇرلى پلاتفورمالاردا ءوز بەتىنشە جۇمىس ىستەيتىن ازاماتتاردىڭ قىزمەتىن وڭاي تىركەۋگە, قاجەت مامانداردى تەز ارادا تابۋعا, ەڭبەك قۇقىقتارىن قورعاۋعا جانە تاپسىرىس بەرۋشىلەرمەن قارىم-قاتىناستى رەسمي تۇردە راسىمدەۋگە مۇمكىندىك بەرەدى; ەكىنشىدەن, 3 جانە 4 ساناتتار بويىنشا شەتەلدىك جۇمىس كۇشىن تارتۋعا ارنالعان كۆوتا 4,7 مىڭ ادامعا قىسقارتىلادى; ۇشىنشىدەن, جاڭا جۇمىس ورىندارىنىڭ قۇرىلۋى وڭىرلىك جۇمىسپەن قامتۋ كارتالارىن وزەكتەندىرۋ جانە اقپاراتتىق جۇيەنى تۇراقتى تۇردە جاڭارتۋ ارقىلى مونيتورينگىلەنەدى.

ءوز كەزەگىندە ەنەرگەتيكا ءمينيسترى بولات اقشولاقوۆ وسى باعدارلاما اياسىندا مينيسترلىك كەلەسى ءىس-شارالاردى جوسپارلاعانىن باياندادى. بىرىنشىدەن, مۇناي سالاسىنا قاجەتتى جاڭا وندىرىستەردى, ونىڭ ىشىندە Chevron كورپوراتسياسىنىڭ تىكەلەي ينۆەستيتسيالار قورىنان قارجى­لاندىرۋ تەتىگى ارقىلى وقشاۋلاۋ كوزدەل­گەن. قازىرگى ۋاقىتتا «مۇناي-گاز ماشيناسىن جاساۋدى دامىتۋدىڭ حالىقارالىق ورتالىعى» جۇمىس ىستەيدى, ول 3 ءىرى وپەرا­توردىڭ مۇقتاجدىعى ءۇشىن جەرگىلىكتى تاۋار­لاردى دامىتۋ بويىنشا جۇمىس جۇر­گىزۋدە. ءمينيستردىڭ ايتۋىنشا, بۇگىندە ورتا­لىق ءۇش تاۋار توبى بويىنشا ءوندىرىستى وقشاۋ­لاۋ جۇمىستارىن باستادى: تيەك ارماتۋ­راسى (كلاپاندار), باقىلاۋ-ولشەۋ اسپاپ­تارى جانە اۆتوماتيكا ء(بواجا) جانە ەلەكتر تەحنيكالىق جابدىق.

35 مىڭنان استام تاۋار تالداندى, ونىڭ ىشىندە 19 تاۋار ءتۇرى جاقىن بولا­شاقتا وپەراتورلار نەعۇرلىم تالاپ ەتەتىن تاۋارلار رەتىندە ايقىندالدى. «تەحنو­لو­گيالار ترانسفەرتى جانە تاۋارلار ءوندى­رىسىن وقشاۋلاۋ جونىندەگى جۇمىستار جال­عاستىرىلادى, بۇل شامامەن 3 مىڭ جۇمىس ورنىن قۇرۋعا مۇمكىندىك بەرەدى», دەدى ب.اقشولاقوۆ.

مۇناي-گاز سالاسى ءۇشىن ءوز جۇيەمىزدى قۇرامىز

وسىنداي باستامالار ارقىلى مۇناي-گاز سالاسى ءۇشىن تاۋارلار وندىرۋدە ءوز جۇيەمىزدى قۇرۋ جوسپارلانعان.

ەكىنشىدەن, قازاقستان اۋماعىنداعى ءىرى مۇناي-گاز كەن ورىندارى بويىنشا جو­بالاۋدى كەزەڭ-كەزەڭىمەن جۇرگىزۋ. ب.اقشو­لاقوۆتىڭ ايتۋىنشا, اتالعان ءىس-شارا جەرگىلىكتى قامتۋدى دامىتۋعا باعىتتالعان, ونىڭ شەڭبەرىندە 2025 جىلعا دەيىن شامامەن 2 500 ۋاقىتشا جۇمىس ورنىن قۇرۋ جوسپارلانۋدا.

ۇشىنشىدەن, مۇناي-گاز حيمياسى كلاستەرىن قۇرۋ. قۇرىلىسى اتىراۋ جانە باتىس قازاقستان وبلىستارىندا جۇزەگە اسىرىلاتىن 7 جوبانى ىسكە اسىرۋدى كوزدەيدى. اتاپ ايتقاندا, بيىل قۋاتى جىلىنا 500 مىڭ توننا پوليپروپيلەن وندىرەتىن زاۋىتتى ىسكە قوسۋ جوسپارلانعان. وتكەن جىلى قاشاعاندا قۋاتى 1 ملرد تەكشە مەتر بولاتىن گاز وڭدەۋ زاۋىتىنىڭ قۇرىلىسى باستالدى. قۇرىلىستىڭ اياقتالۋ مەرزىمى – 2024 جىل. «سونداي-اق قۋاتى جىلىنا شامامەن 1 ملن توننا پوليەتيلەنتەرەفتالات, قۋاتى جىلىنا 1,25 ملن توننا پوليەتيلەن جانە قۋاتى جىلىنا 186 مىڭ توننا بۋتاديەن ءوندىرۋ جونىندەگى ءىرى جوبالاردى ىسكە اسىرۋعا نازار اۋدارىلادى. وسى جوبالاردى ىسكە اسىرۋ 2022-2025 جىلدار كەزەڭىندە 2,5 مىڭ تۇراقتى جانە 12 مىڭ ۋاقىتشا جۇمىس ورىندارىن قۇرۋدى كوزدەيدى», دەدى ب.اقشولاقوۆ.

يندۋستريا جانە ينفراقۇرىلىمدىق دامۋ ۆيتسە-ءمينيسترى م.قاراباەۆ اتاپ وتكەندەي, باعدارلاما شەڭبەرىندە ۆەدومستۆو 23 ءىس-شارانى ىسكە اسىرادى. ء«ىس-شارالار نەگىزىنەن جاڭا جۇمىس ورىندارىن اشۋعا, حالىقتى جۇمىسپەن قامتۋعا, تۇرعىن ءۇي كەشەنى سالاسىندا كورسەتىلەتىن سەرۆيستىك قىزمەتتەر باعالارىن ۇستاپ تۇ­رۋعا, نەگىزگى تاۋارلار, قۇرىلىس ماتەريال­­دارى, جەڭىل, حيميا جانە فارماتسەۆتيكا ونەركاسىبى تاۋارلارىنىڭ يمپورتىن ال­ماستىرۋعا باعىتتالعان», دەدى م.قارا­باەۆ.

مينيسترلىكتىڭ جوسپارىنا سايكەس, ۇسىنىلعان شارالاردى ىسكە اسىرۋ 2022-2023 جىلدارعا ارنالعان 69 مىڭ كەزەكتە تۇرعاندى جالعا بەرىلەتىن تۇرعىن ۇيمەن قامتاماسىز ەتۋگە مۇمكىندىك بەرەدى, 2025 جىلعا دەيىن 23 مىڭ جاڭا جۇمىس ورنىن قۇرا وتىرىپ, كاسىپورىندار قىزمەتىنىڭ تيىمدىلىگى ارتادى.

«سامۇرىق-قازىنا» اق باسشىسى ا.سات­­قاليەۆ قوردىڭ تاياۋ كەلەشەككە ار­نال­عان نەگىزگى مىندەتتەرى جايلى ايتىپ بەردى. ماسەلەن, جالاقىسى تومەن لاۋا­زىمدارعا باسا نازار اۋدارا وتى­رىپ, وندىرىستىك پەرسونالدىڭ جالا­قى­سىن سارالاپ ۇلعايتۋ ارقىلى قور كومپا­­نيالارى توبىنىڭ باسقارمالىق اكىمشىلىك-باسقارۋشىلىق جانە وندىرىستىك پەرسونالىنىڭ جالاقىسىنداعى الشاق­تىقتى قىسقارتۋ جۇرگىزىلەدى. «سامۇرىق-قازىنا» اق قورعا قىزمەت كورسەتەتىن مەر­دىگەر كومپانيالار قىزمەتكەرلەرىنىڭ جالا­قىسىن ورتا سالالىق دەڭگەيگە دەيىن ارت­تىرۋ جونىندە مىندەتتى تالاپتار قابىل­دايدى. اۋە تاسىمالدارى نارىعىندا باسەكەلەستىكتى دامىتۋ ماقساتىندا Fly­Arystan لوۋكوستەرى دامۋدا قوسىمشا سەر­پىن الادى. قوردىڭ بولجامدارى بويىنشا وسى شارالار اعىمداعى جىلدىڭ وزىندە ۇاق وندىرىستىك پەرسونالىنىڭ جالاقى دەڭگەيىن ورتا ەسەپپەن 30%-عا كوتەرۋگە مۇم­كىندىك بەرەدى. جاڭا قۇجاتقا سايكەس, قور كومپانيالارى ساتىپ الۋدى جۇزەگە اسىر­عان كەزدە جەتكىزۋشىلەر قىز­مەت­كەر­لەرىنىڭ جالاقىسىنىڭ ەڭ تومەنگى شەگىن بەل­گىلەۋ بويىنشا تالاپتار ەسكەرىلەدى. سون­داي-اق الەۋەتتى جەتكىزۋشىلەرگە تەندەر­لەردە شارتتى جەڭىلدىكتەر تەك ءوز قىزمەتكەرلەرىنە جوعارى جالاقى تولەيتىن جەتكىزۋشىلەرگە عانا ۇسىنىلادى.

باعدارلاما ماقساتى ايقىن

ماسەلەنى قورىتىندىلاعان ۇكىمەت باسشىسى ءا.سمايىلوۆ 2025 جىلعا دەيىنگى حالىق تابىسىن ارتتىرۋ باعدارلاماسى ازاماتتاردىڭ ءال-اۋقاتىن ارتتىرۋ جانە الەۋمەتتىك-ەڭبەك سالاسىنداعى تاسىلدەردى جاڭارتۋ ماقساتىندا ازىرلەنگەنىن اتاپ ءوتتى. ماسەلەن, جاڭا ونەركاسىپتىك كلاستەرلەر قۇرۋ, شاعىن جانە ورتا كاسىپكەرلىكتى قارجىلىق قولداۋدى قامتاماسىز ەتۋ, ءىرى كاسىپورىندار ماڭىندا شوب-تى دامىتۋعا جاعدايلار جاساۋ ەسەبىنەن ونەركاسىپ پەن كاسىپكەرلىكتەگى جۇمىسپەن قامتۋدى ۇلعايتۋ جوسپارلانىپ وتىر. اوك سالاسىندا جۇمىسپەن قامتۋدى ارتتىرۋ ماقساتىندا قوسالقى ءۇي شارۋاشىلىقتارىن قۇرۋ, ينۆەستيتسيالىق جوبالاردى ىسكە اسىرۋ جانە ميكروكرەديت بەرۋ تەتىكتەرىن كەڭەيتۋ شارالارى قاراستىرىلعان.

پرەمەر-مينيستر بارلىق مەملەكەتتىك ورگانداردىڭ الدىنا ىشكى نارىقتى وتاندىق ونىممەن تولىقتىرۋ, ەڭبەك ونىم­دىلىگىن ارتتىرۋ جانە تۇراقتى جۇمىس ورىن­دارىن قۇرۋ مىندەتى قويىلىپ وتىر­عانىن اتاپ ءوتتى. «ازاماتتارىمىز ۇكىمەت­تىڭ كىرىستەردى ساقتاۋ جانە ۇلعايتۋ, كاسىپكەرلىكتى قولداۋ, سونداي-اق جۇمىسقا ورنالاستىرۋ جانە قايتا وقىتۋ جونىندەگى بارلىق شارالارى تۋرالى كەڭىنەن حاباردار بولۋى ءتيىس», دەدى ءا.سمايىلوۆ.

ۇكىمەت باسشىسى, باعدارلاما ءىس-شارالارىن, ونىڭ ىشىندە كاسىپكەرلىكتى دامىتۋدى ساپالى جۇزەگە اسىرۋدى قامتاماسىز ەتۋدى تاپسىردى. يندۋستريا, اۋىل شارۋاشىلىعى, ەنەرگەتيكا مينيستر­لىكتەرىنە جانە وڭىرلەردىڭ اكىمدىكتەرىنە جاڭا تۇراقتى جۇمىس ورىندارىن اشۋ, شاعىن جانە ورتا بيزنەستىڭ ىلەسپە سۋبەكتىلەرىن دامىتۋ ماقساتىندا وڭدەۋ سالاسىنداعى ينۆەستيتسيالىق جوبالاردى ىسكە اسىرۋ ماسەلەلەرىن پىسىقتاۋ تاپسىرىلدى. ەڭبەك جانە حالىقتى الەۋمەتتىك قورعاۋ مينيسترلىگىنە مەملەكەتتىك ورگاندارمەن جانە اكىمدىكتەرمەن بىرلەسىپ, ەڭبەك تابىسىنداعى تەڭگەرىمسىزدىكتى جويۋ جونىندەگى ءىس-شارالاردىڭ ورىندالۋىن باقىلاۋ جۇكتەلدى. سالالىق مەملەكەتتىك ورگاندار, «سامۇرىق-قازىنا» قورى, اكىمدىكتەر قىزمەتكەرلەردىڭ جالاقىلارىن ورتاشا سالالىق دەڭگەيگە دەيىن ارتتىرۋى, سونداي-اق بيۋدجەتتىك قىزمەتكەرلەردىڭ ورتاشا جالاقىسىن كوتەرۋدى قامتاماسىز ەتۋلەرى ءتيىس. ۇلتتىق ەكونوميكا مينيستر­لىگىنە نەگىزگى كاپيتالعا ينۆەستيتسيالار تارتۋ جانە جۇمىس ورىندارىن قۇرۋ بويىنشا KPI نەگىزىندە مەملەكەتتىك ورگانداردىڭ, بارلىق دەڭگەيدەگى اكىمدىك­تەردىڭ تيىمدىلىگىن باعالاۋدى جانە رەي­تينگىن جۇرگىزۋدى قامتاماسىز ەتۋ تاپسىرىلدى. جالپى, 2025 جىلعا دەيىنگى حالىق تابىسىن ارتتىرۋ باعدارلاماسىن مينيسترلەر كابينەتىنىڭ مۇشەلەرى كەيبىر تۇزەتۋلەردى ەسكەرە وتىرىپ قابىلدادى.