كرەمل ۋكراينا بيلىگى رەسمي ماسكەۋدىڭ تالابىن ورىنداعان جاعدايدا سوعىس ارەكەتتەرى لەزدە توقتاتىلاتىنىن ايتتى, دەپ حابارلايدى Egemen.kz.
بۇل جونىندە رەسەي پرەزيدەنتىنىڭ ءباسپاسوز حاتشىسى دميتري پەسكوۆ اقپارات تاراتتى. ول Reuters-كە بەرگەن سۇحباتىندا ماسەلەنىڭ ءمانىسىن تولىق ايتتى. پەسكوۆتىڭ سوزىنە قاراساق, ۋكراينا كونستيتۋتسياعا تۇزەتۋلەر ەنگىزۋى, بەيتاراپ ەل مارتەبەسىن بەكىتۋى ءتيىس. سونداي-اق قىرىمدى رەسەي ايماعى رەتىندە تانىپ, دحر مەن لحر-ءدى تاۋەلسىز ەل رەتىندە مويىنداۋى شارت. مۇنداي شارتقا ۋكراينا بيلىگى كەلىسە قويادى دەگەنگە سەنۋ قيىن.