جارتىلاي ورتا سالماق دارەجەسىندەگى UFC چەمپيونى كامارۋ ۋسمان 2022 جىلى ەكىنشى ورتا سالماق دارەجەسىندەگى الەمنىڭ ءابسوليۋتتى چەمپيونى, مەكسيكالىق كاسىپقوي بوكسشى ساۋل «كانەلو» الۆارەسپەن جۇدىرىقتاساتىنىنا سەنىمدى, دەپ حابارلايدى Egemen.kz Fightnews.info-عا سىلتەمە جاساپ.
«2022 جىلى مەن جاھان جانكۇيەرلەرىن تاڭ قالدىرعالى ءجۇرمىن. جاز مەزگىلىندە لەون ەدۆاردسقا قارسى وكتاگونعا شىعامىن. اتالمىش جەكپە-جەكتە جەڭىسكە جەتكەن جاعدايدا قىركۇيەكتە مەكسيكالىق ساۋل الۆارەسكە قارسى شارشى الاڭعا شىعۋدى جوسپارلاپ وتىرمىن. جەكپە-جەك مەكسيكانىڭ تاۋەلسىزدىك كۇنى مەرەكەسىمەن تۇسپا-تۇس كەلەدى. بۇل شايقاستا ءوزىمنىڭ جەڭىسكە جەتەتىنىمە ەشقانداي كۇمانىم جوق. قىسقاسى, الۆارەستى مەن عانا توقتاتاتىن بولامىن», دەدى ارالاس جەكپە-جەك شەبەرى ءوز ويىمەن ءبولىسىپ.
ەستەرىڭىزگە سالا كەتەيىك, 7 مامىر كۇنى ساۋل الۆارەس رەسەيلىك دميتري بيۆولمەن جۇدىرىقتاسادى, ال قازاقستاندىق گەننادي گولوۆكين 9 ءساۋىر كۇنى جاپونيالىق ريوتا مۋراتامەن شارشى الاڭدا كەزدەسەدى. ەكى بوكسشى قارسىلاستارىن جەڭگەن جاعدايدا قىركۇيەك ايىندا شارشى الاڭدا ءۇشىنشى رەت جۇدىرىقتاسۋعا نيەتتى. ويتكەنى, كەلىسىمشارتتا سولاي كورسەتىلگەن. سوعان قاراعاندا كامارۋ ۋسماننىڭ ءسوزى بوس ساندىراق سەكىلدى.