قازاقستان پرەزيدەنتى قاسىم-جومارت توقاەۆ كەشە رەسەي پرەزيدەنتى ۆلاديمير پۋتينمەن جانە ۋكراينا پرەزيدەنتى ۆلاديمير زەلەنسكيمەن بولعان اڭگىمە جايىندا پىكىر ءبىلدىردى, دەپ حابارلايدى Egemen.kz.
«رف پرەزيدەنتى ۆلاديمير پۋتينمەن ساۋدا-ەكونوميكالىق قاتىناستاردى دامىتۋ ماسەلەلەرى جونىندە سويلەستىم. ۋكرايناداعى جاعداي بويىنشا كەلىسسوزدەر ارقىلى كەلىسىمگە كەلۋ اسا ماڭىزدى ەكەنىن ايتتىم.
ۆلاديمير زەلەنسكيمەن ۋكرايناداعى جاعداي تۋرالى سويلەستىم. ەلدەگى اسكەري ءىس-قيمىلداردى توقتاتۋ ءۇشىن كەلىسسوزدەر ارقىلى ۋاعدالاستىققا قول جەتكىزۋدىڭ ماڭىزدى ەكەنىن ايتتىم. گۋمانيتارلىق سالاداعى ىنتىماقتاستىقتى دامىتۋعا كەلىستىك», دەپ جازدى مەملەكەت باسشىسى Twitter پاراقشاسىندا.
ەسكە سالا كەتەيىك, كەشە قاسىم-جومارت توقاەۆ رەسەي جانە ۋكراينا پرەزيدەنتتەرىمەن تەلەفون ارقىلى سويلەسكەن بولاتىن.