ەكىنشى ورتا سالماق دارەجەسىندە باق سىناپ جۇرگەن قازاقستاندىق كاسىپقوي بوكسشى ايدوس ەربوسىن ۇلى ءوزىنىڭ كىتابى جارىق كورگەنى تۋرالى اقپاراتپەن ءبولىستى, دەپ حابارلايدى Egemen.kz.
«كوپتەن كۇتكەن جاڭالىق! مەنىڭ كىتابىم جارىققا شىقتى! «جاعىڭ سىنسا دا, ساعىڭ سىنباسىن» اتتى تۋىندىم. 2 جىل بۇرىن. مەن بەلورۋسسيا ەلىندە جەكپە-جەككە دايىندالىپ جاتقان كەزدە, 2016 جىلى بولعان جەكپە-جەگىم جايلى جازۋدى قولعا الدىم. ول جاي جەكپە-جەك ەمەس ەدى… سىنعان جاقپەن جەڭىسكە جەتكەن جەكپە-جەگىم ەدى…. سول جەكپە-جەگىم جايلى, بوكس جايلى, ءوزىم جايلى تۋىندىمدى سىزدەرگە ۇسىنامىن! جاستارعا, قوعامعا تاربيەلىك ءمانى زور, پايداسىن تيگىزەتىن كىتاپ بولارىنا سەنەمىن», دەپ جازدى ول ءوزىنىڭ ينستاگرامداعى پاراقشاسىندا.