Badlefthook.com سايتىنىڭ اۆتورى پاتريك ستامبەرگ ەكىنشى ورتا سالماققا كوتەرىلىپ, ۇلىبريتانيالىق زاك پاركەرمەن قولعاپ تۇيىستىرۋگە بەكىنگەن دەمەتريۋس اندرادەنىڭ ارمانىن ەكىنشى ورتا سالماقتاعى الەمنىڭ ءابسوليۋتتى چەمپيونى ساۋل الۆارەستىڭ جوسپارى بۇزاتىنىن ايتتى, دەپ حابارلايدى Egemen.kz sports.kz-كە سىلتەمە جاساپ.
«بەلگىلى پروموۋتەر فرەنك ۋوررەن پروموۋتەرلىك ساتىلىمدا جەڭىسكە جەتكەنى ءمالىم. بۇل اندرادە مەن پاركەر اراسىنداعى جەكپە-جەك ۇلىبريتانيادا وتەتىنىن بىلدىرەدى. ەكى بوكسشى ەكىنشى ورتا سالماقتاعى الەمنىڭ ۋاقىتشا چەمپيونى اتاعىن ساراپقا سالادى. شايقاستىڭ ناتيجەسىنە قاراماستان اندرادە WBO تۇجىرىمى بويىنشا ورتا سالماقتاعى الەم چەمپيونى اتاعىن ساقتاپ قالادى. الايدا ول قاي سالماقتا سىنعا تۇسەتىنىن تاڭدايدى. نە ەكىنشى ورتا سالماقتا قالادى نە بولماسا ءالىمحان ۇلى-مۋنگيا كەزدەسۋىنىڭ جەڭىمپازىمەن قولعاپ تۇيىستىرەدى. بۇل جەردە اندرادەدە ۇلكەن تاڭداۋ جوق. ونىڭ ارمانى – «كانەلومەن» قولعاپ ءتۇيىستىرۋ. بىلايشا ايتقاندا دەمەتريۋس اندرادەنىڭ ارمانىن «كانەلونىڭ» جوسپارى جوققا شىعارۋى ابدەن مۇمكىن», دەيدى ول ءوز ويىمەن ءبولىسىپ.