Air Astana اۆياكومپانياسى ۋكرايناداعى قازاقستاندىقتاردى پولشاداعى كاتوۆيتسە قالاسىنان اتىراۋعا ارنايى رەيسپەن شىعارادى. رەيستىڭ ۇشۋى 26 اقپاندا جەرگىلىكتى ۋاقىت بويىنشا ساعات 02:00-گە جوسپرالانعان, دەپ حابارلايدى Egemen.kz اۆياكومپانيانىڭ ءباسپاسوز قىزمەتىنە سىلتەمە جاساپ.
جولاۋشىلار قر ۋكرايناداعى ەلشىلىگى ۇسىنعان تىزىمدەر بويىنشا رەيسكە تىركەلەتىن بولادى. قازاقستاندىقتار ترانسفەر ءۇشىن 25 اقپاندا لۆوۆ قالاسىنداعى زامكنەن كوشەسى 3/1 مەكەنجايىنداعى قر قۇرمەتتى كونسۋلدىعىنا جينالۋى قاجەت.
قوسىمشا اقپارات الۋ ءۇشىن Air Astana وكىلدەرىنە مىنا تەلەفوندار ارقىلى حابارلاسۋعا بولادى: +38 (050) 051-11-17, +38 (050) 981-54-49.