قازاقستان بۇۇ-نىڭ ىشكى كولىك جونىندەگى كوميتەتتىڭ كەزدەسۋىنە قاتىستى

بىرىككەن ۇلتتار ۇيىمى ەۋروپالىق ەكونوميكالىق كوميسسياسىنىڭ (ەەك) ىشكى كولىك جونىندەگى كوميتەتىنىڭ 75 جىلدىعىنا ارنالعان مينيسترلىك كەزدەسۋ بەينەكونفەرەنتسيا رەجيمىندە ءوتتى.

جيىنعا اقش, رەسەي, ەۋروپا وداعى, ورتالىق ازيا جانە تاياۋ شىعىس ەلدەرى قاتىستى. قازاقستان دەلەگاتسياسىنا قر يندۋستريا جانە ينفراقۇرىلىمدىق دامۋ ۆيتسە-ءمينيسترى ب.س.كاماليەۆ جەتەكشىلىك ەتىپ, حالىقارالىق كولىك دالىزدەرىن قالىپتاستىرۋ جانە جۇك تاسىمالدارىنىڭ تيىمدىلىگىن ارتتىرۋ تاقىرىبىندا بايانداما جاسادى.

كەڭەس بارىسىندا ەەك ىشكى كولىك جونىندەگى كوميتەتىنە قاتىسۋشى ەلدەرمەن بۇۇ ەەك ىشكى كولىك جونىندەگى كوميتەتىنىڭ 75 جىلدىعىنا ارنالعان كىرىسپە مالىمدەمەلەرى مەن رەسمي جاريالانىمى ۇسىنىلدى. ق

قابىلداۋشى ەل - شۆەيتساريا كونفەدەراتسياسى ءمينيسترىنىڭ ىشكى كولىك جونىندەگى كوميتەتىنىڭ وتكەن جەتىستىكتەرى جانە ورنىقتى دامۋدى قامتاماسىز ەتۋدەگى بولاشاق ءرولى تۋرالى بايانداماسى تىڭدالدى. بۇدان ءارى ىشكى كولىك بايلانىسىنا جاردەمدەسۋ جونىندەگى توپتا تالقىلاۋ بولىپ, ۆيتسە-مينيستر ب.س. كاماليەۆ بايانداما جاسادى.

بۇدان باسقا, ۆيتسە-مينيستر بۇۇ ەەك ىشكى كولىك جونىندەگى كوميتەتىنە مۇشە ەلدەردىڭ كولىك مينيسترلەرىن سالانى ودان ءارى دامىتۋ بويىنشا ەلىمىزدە قابىلدانىپ جاتقان شارالار تۋرالى حاباردار ەتتى.

اتاپ ايتقاندا:

- كاسپي تەڭىزىندەگى اقتاۋ جانە قۇرىق پورتتارىن قوسا العاندا, ترانسكاسپي حالىقارالىق كولىك باعدارىن دامىتۋ جانە وڭ ناتيجەلەرى;

- اقتاۋ پورتىندا قۋاتى 100 مىڭ جفب (جيىرما فۋتتىق بالاما) اساتىن «كونتەينەرلىك حاب» قۇرۋ جونىندەگى جوسپارلار;

- 2021 جىلدىڭ قورىتىندىسىندا جۇكتەر مەن كونتەينەرلەر ءترانزيتىنىڭ ارتقانى (2021 جىلى 1 065,6 مىڭ جفب تاسىمالداندى, ءوسىم 22%);

– بۇگىندە وڭىردەگى قۋاتتى كولىك-لوگيستيكالىق حابقا اينالعان «قورعاس-شىعىس قاقپاسى» ارنايى ەكونوميكالىق ايماعىنداعى قۇرعاق پورتتى دامىتۋ تۋرالى ايتىپ بەردى.

كەزدەسۋ قورىتىندىسىندا ىشكى كولىك جونىندەگى كوميتەتتىڭ 75 جىلدىعىن اتاپ ءوتۋ جانە «تۇراقتى ىشكى كولىك پەن تۇراقتى دامۋ مۇددەسىندەگى ون جىلدىق جەتىستىكتەرگە كىرىسۋ» دەپ اتالاتىن قارار قابىلداندى.