EGov mobile قوسىمشاسىنىڭ «تسيفرلى قۇجاتتار» سەرۆيسىنىڭ ناتيجەسىندە «قازپوشتا» اق كليەنتتەرى ەندى جەكە باسىن كۋالاندىراتىن قۇجاتتىڭ تسيفرلى انالوگى بويىنشا سالەمدەمەلەردى قابىلداپ, جىبەرە الادى.
«قازپوشتا» اق كليەنتتەرى ەلىمىزدەگى بارلىق بولىمشەلەردە سالەمدەمەلەردى قابىلداۋ جانە جونەلتۋ كەزىندە تسيفرلى جەكە كۋالىكتەردى پايدالانا الادى. جوبا قازپوشتانىڭ پوشتا قىزمەتتەرى ءۇشىن قاناتقاقتى رەجىمدە ىسكە قوسىلدى.
جاڭا قىزمەتتى پايدالانۋ ءۇشىن eGov mobile موبيلدىك قوسىمشاسىندا اۆتوريزاتسيادان ءوتۋ; «قىزمەتتەر» بولىمىندەگى «تسيفرلى قۇجاتتاردى تاڭداۋ»; قاجەت قۇجاتتى تاڭداۋ; قۇجاتقا «قول جەتكىزۋدى اشۋ» تۇيمەسىن باسۋ; «قازپوشتا» اق وپەراتورىنا التى تاڭبالى قىسقا كودتى حابارلاۋ قاجەت.
وپەراتورلار وزدەرىنىڭ دەرەكتەر بازاسىنا بىرەگەي قىسقا كودتى جانە جۇيە كليەنتتىڭ جەكە باسىن كۋالاندىراتىن قۇجاتتى اۆتوماتتى تۇردە جۇكتەيدى. كليەنتتى سايكەستەندىرۋدىڭ بۇل مەحانيزمى جوعارى قاۋىپسىزدىكتى قامتاماسىز ەتەدى جانە ءۇشىنشى تاراپتاردان تۇسكەن الاياقتىقتىڭ الدىن الادى.
«تسيفرلى قۇجاتتار» سەرۆيسى ازاماتتار اراسىندا ۇلكەن سۇرانىسقا يە. بۇگىنگى تاڭدا پايدالانۋشىلار سانى 6,4 ملن ادامدى قۇرايدى. بۇل سان كۇن سايىن ءوسىپ كەلەدى جانە ءبىز بۇل قىزمەتتى ءومىردىڭ بارلىق سالاسىنا ەنگىزۋگە تىرىسامىز. ەندى قازپوشتا كليەنتتەرىنىڭ دە وسى ىڭعايلى سەرۆيستى پايدالانۋ مۇمكىندىگى بار. تسيفرلى ترانسفورماتسيا ازاماتتار ءۇشىن دە, بيزنەس ءۇشىن دە كوپتەگەن بيزنەس-پروتسەستەردى جاقسارتىپ, جەڭىلدەتكەنىنە قۋانىشتىمىز», دەپ اتاپ ءوتتى «ۇلتتىق اقپاراتتىق تەحنولوگيالار» اق باسقارما توراعاسى روستيسلاۆ كونياشكين.
تسيفرلى قۇجاتتاردى پايدالانۋ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ, «ۇلتتىق اقپاراتتىق تەحنولوگيالار» اق مەن «قازپوشتا» اق اقپاراتتىق جۇيەلەرىن ينتەگراتسيالاۋدىڭ ناتيجەسىندە مۇمكىن بولدى.
«سەرۆيس ناتيجەسىندە قازپوشتا كليەنتتەرىنىڭ بولىمشەلەرىندە جەكە دەرەكتەردى راستاۋ ءۇشىن eGov mobile قوسىمشاسى ارقىلى جەكە باسىن كۋالاندىراتىن تسيفرلى قۇجاتتى كورسەتۋ مۇمكىندىگى پايدا بولادى. بۇل ءبىزدىڭ كليەنتتەرىمىزگە سالەمدەمەلەردى قابىلداۋدى جانە بەرۋدى ايتارلىقتاي جەڭىلدەتەدى. ويتكەنى كوبىنەسە بارلىق كليەنتتەر بولىمشەگە جەكە كۋالىكتىڭ تۇپنۇسقاسىمەن كەلمەيدى, ال سمارتفون ارقاشان «قول استىندا» بولادى. سونىمەن قاتار تسيفرلى قۇجاتتاردى پايدالانۋ مۇمكىندىگىن ەنگىزۋمەن قازپوشتاعا جەكە كۋالىكتەردىڭ كوشىرمەلەرىن الۋدىڭ جانە ساقتاۋدىڭ قاجەتى جوق. بۇل قاعاز ماتەريالدارىنىڭ شىعىنىن ايتارلىقتاي وڭتايلاندىرادى», دەدى «قازپوشتا» اق باسقارما توراعاسى سەرىك ساۋداباەۆ.
اتاپ وتكەن ءجون, قازىرگى ۋاقىتتا eGov mobile موبيلدىك قوسىمشاسىنداعى «تسيفرلى قۇجاتتار» سەرۆيسى 18 قۇجاتتان تۇرادى, ولاردىڭ ىشىندەگى ەڭ تانىمالدارى: جەكە كۋالىك, جۇرگىزۋشى كۋالىگى, ۆاكتسيناتسيا پاسپورتى, پتر تەست جانە تۋ تۋرالى كۋالىك. بۇگىنگى تاڭدا تسيفرلى قۇجاتتاردى ەلىمىزدىڭ بارلىق اۋەجايلارىندا, «قتج» اق تەمىرجول ۆوكزالدارىندا ۆاگوندارعا وتىرعىزۋ كەزىندە, «وتباسى بانك» اق, Beeline بولىمشەلەرىندە, سونداي-اق ەدب مەن نوتاريۋستاردان قىزمەت الۋ كەزىندە پايدالانۋعا بولادى.
ايتا كەتەلىك, تسيفرلى قۇجات – تسيفرلى قۇجاتتار سەرۆيسى قالىپتاستىراتىن, مەملەكەتتىك جانە وزگە دە كورسەتىلەتىن قىزمەتتەردى ەلەكتروندى نىساندا الۋ ءۇشىن, سونداي-اق جەكە جانە زاڭدى تۇلعالارمەن ءوزارا ءىس-قيمىل جاساۋ كەزىندە قاجەتتى ەلەكتروندى قۇجات. «تسيفرلى قۇجاتتار» سەرۆيسى جەكە باستى كۋالاندىراتىن قۇجات تۇپنۇسقاسىنىڭ ەلەكتروندى نۇسقاسىن تىكەلەي پايدالانۋدى كوزدەيدى. بۇل ازاماتتارعا باسقا مەملەكەتتىك ورگاندار مەن ۇيىمدارعا قانداي دا ءبىر قىزمەتتەر كورسەتۋ ءۇشىن (مىسالى, اۋە جانە ت/ج بيلەتتەرىن ساتىپ الۋ كەزىندە جانە ت.ب.) ەلەكتروندى قۇجاتتى ۇسىنۋعا مۇمكىندىك بەرەدى, دەپ حابارلادى «ۇلتتىق اقپاراتتىق تەحنولوگيالار» اق قوعاممەن بايلانىس باسقارماسى.