قر پارلامەنتى سەناتىنىڭ توراعاسى ماۋلەن اشىمباەۆ ۋكرايناداعى اسكەري ءىس-قيمىلدارعا قاتىسۋ ءۇشىن قازاقستاندىق بىتىمگەرلەردى جىبەرۋ مۇمكىندىگى تۋرالى ماسەلەگە قاتىستى تۇسىنىكتەمە بەردى, دەپ حابارلايدى Egemen.kz.
«بۇل جاعدايدا ءبىز مىنانى نەگىزگە الۋىمىز كەرەك - قازاقستان ۇجىمدىق قاۋىپسىزدىك تۋرالى شارت ۇيىمىنىڭ مۇشەسى بولىپ تابىلادى. وسىعان بايلانىستى قازاقستاندىق بىتىمگەرلەردى قاقتىعىس ايماعىنا جىبەرۋگە بولا ما دەگەن سۇراق تۋىندايدى. بىرىككەن ۇلتتار ۇيىمىنىڭ جارعىسىنا سايكەس جانە باسقا دا قۇجاتتارعا سايكەس قازاقستان ۇقشۇ ەلدەرىنەن تىسقارى جەرلەرگە ءبىزدىڭ بىتىمگەرلەرىمىزدى بۇۇ مانداتىنا سايكەس قانا جىبەرە الادى», دەدى قر پارلامەنتى سەناتىنىڭ سپيكەرى.
ونىڭ ايتۋىنشا, ۇقشۇ جارعىسىنا سايكەس ۇيىم ەلدەرىنىڭ بىتىمگەرشىلىك كۇشتەرى مەن اسكەرلەرى قاتىسۋشى ەلدەردىڭ اۋماعىندا عانا قولدانىلا الادى.
«قاقتىعىس ايماعى قاتىسۋشى ەلدەردىڭ اۋماعىنا كىرمەيدى. بىراق ەگەر قانداي دا ءبىر جاعداي تۋىنداسا جانە بۇۇ دەڭگەيىندە ءتيىستى شەشىم قابىلدانسا, قازاقستان ءوزىنىڭ بىتىمگەرلەرىن الەمنىڭ كەز كەلگەن نۇكتەسىنە جىبەرۋى ءتيىس بولادى», دەپ قوستى ماۋلەن اشىمباەۆ.