اگروونەركاسىپ كەشەنىن دامىتۋدىڭ ستراتەگيالىق ماڭىزى زور. ول ەڭ الدىمەن ەلدىڭ ازىق-ت ۇلىك قاۋىپسىزدىگىن قامتاماسىز ەتۋگە ءتيىس. بۇل رەتتە «اگرارلىق نەسيە كورپوراتسياسى» مەن «قازاگروقارجى» كومپانيالارى ىسكە اسىراتىن قارجىلاندىرۋ باعدارلامالارىنىڭ تيىمدىلىگى جوعارى.
«بايتەرەك» ۇلتتىق باسقارۋشى حولدينگىنىڭ حابارلاۋىنشا, 2021 جىلى اگروونەركاسىپ كەشەنىن «اگرارلىق نەسيە كورپوراتسياسى» مەن «قازاگروقارجى» ارقىلى قارجىلاندىرۋ كولەمى 464 ملرد تەڭگەدەن اسقان. 2020 جىلمەن سالىستىرعاندا قارجىلاندىرۋ 4 پايىزعا ءوستى.
وتكەن جىلى قولداۋ شارالارىنا 23 مىڭعا جۋىق كاسىپكەر يە بولعان. قارجىلاندىرۋ كولەمىنىڭ 96 پايىزدان استامى شاعىن جانە ورتا كاسىپكەرلىك سۋبەكتىلەرىنە بەرىلدى.
«كەڭ دالا» نىسانالى كرەديت بەرۋ باعدارلاماسى اياسىندا كوكتەمگى ەگىس جانە ەگىن جيناۋ جۇمىستارىن جۇرگىزۋگە 70 ملرد تەڭگە ءبولىندى. بۇل شامامەن 3,6 ملن گەكتار اۋماقتا ەگىس جۇمىستارىن جۇرگىزۋگە مۇمكىندىك بەردى.
«قازاگروقارجى» ليزينگتىك باعدارلامالارى بويىنشا اۋىل شارۋاشىلىعى تەحنيكاسىن ساتىپ الۋدى قارجىلاندىرۋ كولەمى 140 ملرد تەڭگەدەن استى (جىلدىق ءوسىم – 28 پايىز). بۇل 7,3 مىڭ بىرلىك اۋىل شارۋاشىلىعى تەحنيكاسىن ساتىپ الۋعا جول اشتى. وسىلايشا, كورسەتكىش 2020 جىلعى كولەمنەن اسىپ ءتۇستى. 2020 جىلى 6 مىڭ بىرلىك تەحنيكا ليزينگكە الىنعان ەدى.
اگرارلىق سەكتوردا باسەكەگە قابىلەتتى وندىرىستىك بازانى دامىتۋ ءۇشىن 2021 جىلى جالپى قۇنى 71,8 ملرد تەڭگە بولاتىن 46 جوبا قارجىلاندىرىلدى. وعان 53,8 ملرد تەڭگە كرەديت بەرىلدى. 53,1 ملرد تەڭگە كرەديت بەرىلگەن, قۇنى 71,3 ملرد تەڭگە بولاتىن 43 جوبا پايدالانۋعا بەرىلدى. ەنگىزىلگەن جوبالار جەمىس, شىرىن, ەت جانە ءسۇت ونىمدەرى, وسىمدىك مايلارى, كوكونىس جانە تاعى باسقا ءونىم تۇرلەرىن وندىرۋگە باعىتتالعان.
اگروونەركاسىپ كەشەنى سۋبەكتىلەرىنە ەكىنشى دەڭگەيلى بانكتەر بەرەتىن كرەديتتەرگە كەپىلدىك بەرۋ باعدارلاماسى جالعاستىرىلدى. ول قارىز الۋشىدا كەپىلدىك جەتپەگەن كەزدە ينۆەستيتسيالىق جوبالاردى ەنگىزۋگە ىقپال ەتەدى. 1,6 ملرد تەڭگەگە 7 كەپىلدىك بەرىلدى. وسىلايشا, اۋىل شارۋاشىلىعىنا 3,2 ملرد تەڭگەدەن استام سومادا بانكتىك قارىز تارتىلدى.
ۇيىم قۇرىلىمىن وڭتايلاندىرۋ شارالارى شەڭبەرىندە 2021 جىلى «بايتەرەك» حولدينگى «اۋىل شارۋاشىلىعىن قارجىلاي قولداۋ قورىن» «اگرارلىق نەسيە كورپوراتسياسىنا» قوسۋ جۇمىسىن اياقتادى. بۇل وڭىرلەردەگى فيليالدىق جەلى ارقىلى فەرمەرلەرگە ء«بىر تەرەزە» قاعيداتى بويىنشا كرەديت بەرۋگە مۇمكىندىك بەرەدى.