ەلوردانىڭ باس مەملەكەتتىك سانيتارلىق دارىگەرى سارحات بەيسەنوۆا جىل باسىنان بەرى قالاداعى كوروناۆيرۋس جۇقتىرعان بالالاردىڭ جاعدايى تۋرالى ايتىپ بەردى, دەپ حابارلايدى Egemen.kz.
«جالپى سىرقاتتانۋشىلىقتىڭ 80%-ىن ەرەسەكتەر قۇرايدى, ونىڭ 53%-ى 25-55 جاستاعى ادامدارعا تيەسىلى. 0-17 جاس ارالىعىنداعى بالالاردىڭ ۇلەس سالماعى جالپى سىرقاتتانۋشىلىق قۇرىلىمىندا 17%-دى قۇرايدى, ونىڭ ىشىندە ەڭ كوپ زارداپ شەككەن توپ 12-17 جاس ارالىعىنداعى بالالار. ولارعا 28,2% تيەسىلى», دەدى سارحات بەيسەنوۆا اكىمدىكتە وتكەن بريفينگتە.
ونىڭ ايتۋىنشا, جىل باسىنان بەرى وقۋشىلار اراسىندا 5929 جاعداي تىركەلگەن, ونىڭ ىشىندە 365 وقۋشى وففلاين, 3345 وقۋشى ونلاين وقۋدا بولعان, 2219 ادام دەمالىستا بولعان كەزدە (17 قاڭتارعا دەيىن) اۋىرىپ قالعان.
«مەكتەپ جاسىنداعى بالالاردىڭ اۋرۋشاڭدىعىن جانە ولاردىڭ اعىمىن تالداي وتىرىپ, ۆاك وتىرىسىنىڭ شەشىمى نەگىزىندە قر باس مەملەكەتتىك سانيتارلىق دارىگەرى 14 اقپاننان باستاپ بارلىق سىنىپ وقۋشىلارىن ءداستۇرلى وقىتۋ فورماتىنا كوشىرۋ تۋرالى قاۋلى شىعاردى», دەپ ەسكە سالدى سانيتارلىق دارىگەر.