اڭساعان ءسابي: شىعىس قازاقستاندا ۇشەم دۇنيەگە كەلدى

«الەۋمەتتىك مەديتسينالىق ساقتاندىرۋ قورى» شقو فيليالى ءباسپاسوز قىزمەتىنىڭ مالىمەتىنە سۇيەنسەك, 32 جاستاعى سەمەي قالاسىنىڭ تۇرعىنى ەكۇ ارقىلى ءۇش بالانىڭ اناسى اتاندى. ول مەرزىمىنەن بۇرىن – جۇكتىلىكتىڭ 34-ءشى اپتاسىندا بوسانعان. نارەستەلەردىڭ سالماعى – 2 كەلى 280 گرامم, 2 كەلى 300 گرامم جانە 2 كەلى 200 گرامم.

«وتباسىمىز بۇل باقىتتى 10 جىلدان استام ۋاقىت كۇتتى. بىلتىر «اڭساعان ءسابي» باعدارلاماسى اياسىندا دەنساۋلىق ساقتاۋ باسقارماسىنىڭ جۇمىس كوميسسياسىنىڭ ماقۇلداۋىمەن ەكو-دان وتۋگە كۆوتا الدىم. ءبارى ويداعىداي ءوتىپ, بالا كوتەردىم. قۋانىشىمىزدا شەك جوق. وسى باعدارلامانىڭ ارقاسىندا قانشاما وتباسى ءسابيلى بولىپ جاتىر», دەيدى ۇشەمنىڭ اناسى ماقپال.

ايتا كەتەيىك, 2022 جىلدىڭ ءبىرىنشى ايىندا ءوڭىر بويىنشا 23 ەگىز جانە ءبىر ۇشەم جارىق دۇنيە ەسىگىن اشقان. بيىل 488 ايەلگە «اڭساعان ءسابي» باعدارلاماسى شەڭبەرىندە كۆوتا بەرىلمەك.