قازاقستاننىڭ ءبىرىنشى, الەمنىڭ 12-راكەتكاسى ەلەنا رىباكينا سانكت-پەتەربۋرگ WTA 500 ءتۋرنيرىن جەڭىسپەن باستادى, دەپ حابارلايدى Egemen.kz.
جارىستىڭ 3-راكەتكاسى بولىپ تىركەلگەن قازاقستاندىق تەننيسشى العاشقى اينالىمدا دۇنيەجۇزىلىك رەيتينگتە 81-ورىندا تۇرعان رەسەيلىك ۆارۆارا گراچەۆامەن كەزدەستى.
ءبىرىنشى پارتيادا ەكى برەيك جاساعان قازاقستاندىق تەننيسشى ايقىن باسىمدىلىق كورسەتتى - 6:2. ەكىنشى سەتتە العاش گەيمىن ۆ.گراچەۆا العانىمەن, ودان كەيىن ە.رىباكينا دەس بەرمەدى - 6:1.
ءبىر ساعاتقا جۋىق ۋاقىتقا سوزىلعان ماتچتا ە.رىباكينا 5 ەيس جاساپ, 9 برەيك-پوينتتىڭ بەسەۋىن پايدالانا ءبىلدى. قازاقستاندىق تەننيسشى شيرەك فينالعا شىعۋ ءۇشىن الەمنىڭ 42-راكەتكاسى, چەحيالىق تەرەزا مارتينتسوۆامەن تالاسادى.