سينوپتيكتەر 9 اقپانعا ارنالعان اۋا رايى بولجامىن جاريالادى, دەپ جازادى Egemen.kz.
«قازگيدرومەت» رمك بولجامىنا قاراعاندا اتموسفەرالىق فرانتالدى بولىكتەردىڭ وتۋىنە بايلانىستى, قازاقستان اۋماعىنىڭ باسىم بولىگىنە قار جاۋادى, تەك رەسپۋبليكانىڭ وڭتۇستىك-باتىسىندا كۇن جاۋىن-شاشىنسىز. بىرنەشە وڭىردە كوكتايعاق بولىپ, تۇمان تۇسەدى.
ەلىمىزدىڭ باتىسىندا, سولتۇستىك-باتىسىندا جانە وڭتۇستىك-شىعىسىندا جەل كۇشەيەدى.
كۇندىز باتىس قازاقستان وبلىسىنىڭ وڭتۇستىك-باتىسىندا, باتىسىندا جاياۋ بۇرقاسىن سوعىپ, كوكتايعاق بولادى, وبلىستىڭ سولتۇستىگىندە, شىعىسىندا جانە ورتالىعىندا تۇمان ءتۇسىپ, كۇندىز وبلىستىڭ باتىسىندا, وڭتۇستىگىندە, سولتۇستىك-باتىسىندا جەلدىڭ جىلدامدىعى سەكۋندىنا 15-20 مەترگە جەتەدى.
جامبىل وبلىسىنىڭ سولتۇستىك–شىعىسىندا جانە تاۋلى اۋداندارىندا تۇمان ءتۇسىپ, كوكتايعاق بولادى.
تۇندە قوستاناي وبلىسىنىڭ شىعىسىندا جاياۋ بۇرقاسىن, وبلىستىڭ سولتۇستىگىندە, شىعىسىندا تۇمان, تۇندە وبلىستىڭ شىعىسىندا جەلدىڭ جىلدامدىعى سەكۋندىنا 15-20 مەترگە جەتەدى.
سولتۇستىك قازاقستان وبلىسىنىڭ وڭتۇستىك-باتىسىندا, باتىسىندا جاياۋ بۇرقاسىن بولىپ, وبلىستىڭ وڭتۇستىك-شىعىسىندا تۇمان تۇسەدى.
كۇندىز ماڭعىستاۋ وبلىسىنىڭ وڭتۇستىك-شىعىسىندا جەل سەكۋندىنا 15-20 م/س-كە دەيىن كۇشەيەدى. الماتى وبلىسىنىڭ وڭتۇستىگىندە, شىعىسىندا تۇمان ءتۇسىپ, كوكتايعاق بولادى.
اقمولا وبلىسىنىڭ سولتۇستىگىندە, شىعىسىندا, تۇركىستان وبلىسىنىڭ وڭتۇستىگىندە, باتىسىندا, تاۋلى جانە تاۋ بوكتەرلى اۋداندارىندا, اقتوبە وبلىسىنىڭ سولتۇستىگىندە, وڭتۇستىك-شىعىسىندا, پاۆلودار وبلىسىنىڭ باتىسىندا, سولتۇستىگىندە, قاراعاندى وبلىسىنىڭ سولتۇستىگىندە, شىعىسىندا, شىعىس قازاقستان وبلىسىنىڭ سولتۇستىگىندە, قىزىلوردا وبلىسىنىڭ سولتۇستىگىندە جانە ورتالىعىندا تۇمان ءتۇسۋى ىقتيمال.