«قازگيدرومەت» رمك-سى اقپاننىڭ 8-ءى كۇنگى كۇن رايى بولجامىن جاريالادى, دەپ حابارلايدى Egemen.kz.
اتموسفەرالىق فرونتالدى بولىكتەردىڭ وتۋىنە بايلانىستى قازاقستان اۋماعىنىڭ باسىم بولىگىندە قار, رەسپۋبليكانىڭ وڭتۇستىك جانە وڭتۇستىك-شىعىسىندا جاۋىن-شاشىن (جاڭبىر, قار) جاۋادى. كەي جەرلەردە كوكتايعاق, تۇمان ءتۇسىپ, سولتۇستىك پەن شىعىستا جەل كۇشەيەدى.
اقمولا وبلىسىنىڭ باتىسىندا, وڭتۇستىگىندە جاياۋ بۇرقاسىن بولىپ, وبلىستىڭ باتىسىندا جەلدىڭ جىلدامدىعى سەكۋندىنا 15-20 مەترگە كۇشەيەدى.
شىعىس قازاقستان وبلىسىنىڭ وڭتۇستىك-باتىسىندا جاياۋ بۇرقاسىن بولىپ, وبلىستىڭ باتىسىندا, شىعىسىندا جەلدىڭ جىلدامدىعى سەكۋندىنا 15-20 مەترگە جەتەدى.
سولتۇستىك قازاقستان وبلىسىنىڭ وڭتۇستىك-باتىسىندا, باتىس جانە سولتۇستىگىندە, قوستاناي وبلىسىنىڭ وڭتۇستىگىندە جاياۋ بۇرقاسىن بولىپ, قوستاناي وبلىسىنىڭ سولتۇستىگىندە تۇمان تۇسەدى.
الماتى وبلىسىنىڭ وڭتۇستىگىندە جانە شىعىسىندا, تۇركىستان وبلىسىنىڭ وڭتۇستىگىندە, باتىسىندا, تاۋلى جانە تاۋ بوكتەرلى اۋداندارىندا, اتىراۋ وبلىسىنىڭ باتىسىندا جانە ورتالىعىندا, قىزىلوردا وبلىسىنىڭ سولتۇستىگىندە جانە ورتالىعىندا, تۇندە ماڭعىستاۋ وبلىسىنىڭ سولتۇستىك-شىعىسىندا تۇمان ءتۇسىپ, كوكتايعاق بولادى.
تۇندە جامبىل وبلىسىنىڭ وڭتۇستىك-باتىسىندا, كۇندىز سولتۇستىك-شىعىس جانە تاۋلى اۋداندارىندا تۇمان ءتۇسىپ, كوكتايعاق بولادى, سولتۇستىك-شىعىستا جانە تاۋلى اۋدانداردا جەلدىڭ جىلدامدىعى سەكۋندىنا 15-20 مەترگە جەتەدى.
باتىس قازاقستان وبلىسىنىڭ سولتۇستىگىندە, اقتوبە وبلىسىنىڭ وڭتۇستىگىندە تۇمان ءتۇسۋى ىقتيمال.