سولتۇستىك قازاقستان وبلىسى ەسىل اۋدانىنداعى ۆولوشينكا اۋىلى ۇلكەن تاس جولدىڭ بويىندا ورنالاسقان. جول-كولىك وقيعاسى وسى ۆولوشينكا اۋىلىندا بولىپ, ەرلى-زايىپتى ەكى تۇرعىندى Ford Focus اۆتوكولىگىنىڭ جۇرگىزۋشىسى 3 اقپانعا قاراعان ءتۇنى اۋىل ماڭىنداعى جولدا قاعىپ كەتكەن.
جۇرگىزۋشى وقيعا ورنىندا ۇستالدى. كۋالاندىرۋ ناتيجەسى كورسەتكەندەي, جۇرگىزۋشى الكوگولدىك ماساڭ كۇيدە بولعان.
جول-كولىك وقيعاسى فاكتىسى بويىنشا قىلمىستىق كودەكستىڭ 345-1 بابىنىڭ 4-بولىگى «ابايسىزدا ەكى نەمەسە ودان كوپ ادامنىڭ ولىمىنە الىپ كەلگەن الكوگولدىك ماساڭ كۇيدە كولىك قۇرالدارىن باسقارعان ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى» بويىنشا سوتقا دەيىنگى تەرگەۋ باستالدى. 32 جاستاعى جۇرگىزۋشى, ۆولوشينكا اۋىلىنىڭ تۇرعىنى, ۋاقىتشا ۇستاۋ وقشاۋلاعىشىنا قامالدى.
سولتۇستىك قازاقستان وبلىسى