سەنبىدە قازاقستاننىڭ كوپتەگەن قالالارىندا قولايلى مەتەورولوگيالىق جاعداي ساقتالادى, دەپ حابارلايدى Egemen.kz.
«قازگيدرومەت» رمك ءباسپاسوز قىزمەتى تاراتقان مالىمەتكە سەنسەك, 29 قاڭتار, سەنبى كۇنى ەلىمىزدەگى قالالاردىڭ باسىم كوپشىلىگىندە مەتەورولوگيالىق احۋال بىرقالىپتى بولادى.
تەك نۇر-سۇلتان, قاراعاندى, كوكشەتاۋ, پاۆلودار, تەمىرتاۋ قالالارىندا اۋا ساپاسى ءبىرشاما ناشارلايدى. ال ريددەر, سەمەي جانە وسكەمەن قالالارىندا اۋا ساپاسىنىڭ ەكىنشى دارەجەلى لاستانۋ قاۋپى بار.
قولايسىز مەتەورولوگيالىق جاعدايلار - اتموسفەرالىق اۋانىڭ بەتكى قاباتىندا زياندى زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى, جەڭىل جەل, تۇمان, ينۆەرسيا) جيىنتىعى. قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.