فۋتزالدان قازاقستان قۇراماسى ەۋروپا چەمپيوناتىنىڭ فينالدىق ساتىسىندا يتاليا قۇراماسىن 4-1 ەسەبىمەن جەڭىپ, شيرەك فينالعا جولداما الدى, دەپ حابارلايدى Egemen.kz.
العاشقى مينۋتتان الاڭعا يگيتا, تاينان, تۇرساگۇلوۆ, دۋگلاس, ورازوۆ بەستىگى شىقتى. ويىن بارىسىندا ولاردى اتانتاەۆ, كاراعۇلوۆ, ەدسون, ۆاليۋللين, كناۋب, توقاەۆ, ساعىندىقوۆ الماستىردى. ويىن باسىنان قوس قۇراما بىردەن شابۋىلعا كوشتى.
ويىننىڭ 5-مينۋتىندا قازاقستاندىق ءبىرجان ورازوۆ مەرگەندىك تانىتسا, 8-مينۋتتا ازات ۆاليۋللين ەسەپتى ەسەلەدى. وعان 12-مينۋتتا دۋگلاس نيكولودي ءبىر گولمەن جاۋاپ قايىردى.
ەكىنشى كەزەڭنىڭ 30-مينۋتىندا ءبىرجان ورازوۆ بۇگىنگى كەزدەسۋدەگى ەكىنشى گولىن سوقتى. ال 38-مينۋتتا قازاقستاندىق قۇرامادان دۋگلاس جۋنيور قورىتىندى ەسەپتى تىركەدى.