باس مەملەكەتتىك سانيتارلىق دارىگەر ءبايدىلدا شىناليەۆ جامبىل وبلىسىنىڭ اۋماعىندا شەكتەۋ جانە كارانتين شارالارى تۋرالى قاۋلىعا قول قويدى, دەپ حابارلايدى Egemen.kz.
قۇجاتقا سايكەس, وڭىردە جولاۋشىلار اعىنىن ازايتۋ جانە حالىقتىڭ كوپ جينالۋىن بولدىرماۋ ماقساتىندا قاربالاس ساعاتتاردا قوعامدىق كولىك سانى ۇلعايتىلاتىن بولادى.
بۇدان باسقا, ۇلتتىق قۇراما, كلۋبتىق كوماندالار ءۇشىن (30 ادامنان اسپايتىن) سپورتتىق جاتتىعۋلارعا, سونداي-اق قر ۇلتتىق بانكىنىڭ جانە قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ اكتىسىنە سايكەس ۋاقىتى مەن سانى بويىنشا شەكتەلگەن قارجى نارىعى سۋبەكتىلەرىنىڭ قىزمەتىنە رۇقسات ەتىلگەن.
وتىرىستار مەن كەڭەستەردى قاشىقتىقتان وتكىزۋ مۇمكىندىگى بولماسا, كۇندىزگى رەجيمدە وتكىزۋگە رۇقسات ەتىلەدى.
سپورتشىلار مەن جاتتىقتىرۋشىلار قۇرامىنىڭ COVID-19-عا قارسى ۆاكتسيناتسيالاۋدىڭ تولىق كۋرسىن العانى تۋرالى قۇجاتتامالىق راستاۋ ۇسىنىلعان جاعدايدا, وبلىستىق كوماندالاردى دايارلاۋ ءۇشىن وقۋ-جاتتىعۋ جيىندارى قايتا باستالادى.
قۇجات قول قويىلعان كۇنىنەن باستاپ كۇشىنە ەنەدى.