كونەدەن جەتكەن قايراق

ماسەلەن, وبلىستىق تا­ريحي-ولكەتانۋ مۋزەيىندە ەلىنىڭ, قازاق حالقىنىڭ تاۋەل­سىزدىگى مەن جارقىن كەلەشەگى ءۇشىن ەگەۋلى نايزاسىن قولعا العان باتىرلار تۇتىنعان, قولتاڭباسى قالعان بۇيىمدار جەتەر­لىك. سونداي قۇندى بۇيىم­داردىڭ قاتارىندا «يسا­تاي-ماحامبەت» ەكسپوزيتسياسىنا قويىلعان قارا قايراق تا بار.

قايراق قارا تاستان جا­سالعان. 1971 جىلى قى­زىل­قوعا اۋدانىنىڭ تۇر­عىنى اقسانىم قۇتتىباەۆا «بۇل قايراق ءجۇزباتىر سار­توۆ دەگەن اتاما تيەسىلى بولعان. ول – 1836-1838 جىل­دارداعى ۇلت-ازاتتىق كوتە­رىلىستىڭ باسشىسى يسا­تاي تايمان ۇلىنىڭ تۋىسى. كەزىندە ەلىنىڭ ازات­تىعىن اڭساعان يساتاي مەن ماحامبەت باتىرلار سار­بازدارىمەن بىرگە وسى قاي­راقپەن قىلىشى مەن ناي­زاسىن, جەبە ۇشىن قاي­راعان. بۇرىن قايراقتىڭ ۇزىندىعى 2 مەترگە دەيىن جەتكەن», دەپ مۋزەيگە تاپسىرىپتى.

تاريحي تۇلعالار تۇ­تىنعان قايراقتىڭ ۇزىن­دىعى ەدەۋىر قىسقارعان. قازىرگى ۇزىندىعى – 46 سم, ەنى – 6 سم. ءبىر شەتىندە مەتال­دان جاسالعان ىلمەگى بار. ەكى شەتى قالىڭداۋ بول­عانىمەن, ورتاسى ءسال جىڭىش­كەرىپتى.

اتىراۋ وبلىسى