2014 جىلعى 4 ناۋرىز, استانا قالاسى
مەملەكەتتىك ساتىلاتىن استىق رەسۋرستارىنىڭ ىشكى نارىقتى رەتتەۋ ماقساتىندا پايدالانىلۋى تۋرالى
«استىق تۋرالى» 2001 جىلعى 19 قاڭتارداعى قازاقستان رەسپۋبليكاسى زاڭىنىڭ 6-بابىنىڭ 25) تارماعىنا, قازاقستان رەسپۋبليكاسى ۇكىمەتىنىڭ 2001 جىلعى 28 ناۋرىزداعى № 394 قاۋلىسىمەن بەكىتىلگەن مەملەكەتتىك استىق رەسۋرستارىن قالىپتاستىرۋ, ساقتاۋ, جاڭارتۋ, ورنىن اۋىستىرۋ جانە پايدالانۋ ەرەجەسىنىڭ 30-تارماعىنا سايكەس, قازاقستان رەسپۋبليكاسىنىڭ ەكونوميكاسىن جاڭعىرتۋ ماسەلەلەرى جونىندەگى مەملەكەتتىك كوميسسياسى وتىرىسىنىڭ 2014 جىلعى 14 اقپانداعى حاتتاماسى نەگىزىندە بۇيىرامىن:
1. مەملەكەتتىك استىق رەسۋرستارىن باسقارۋ جونىندەگى اگەنت ىشكى نارىقتى رەتتەۋ ماقساتىندا 182 000 ء(جۇز سەكسەن ەكى مىڭ) تونناعا دەيىنگى كولەمدەگى مەملەكەتتىك ساتىلاتىن استىق رەسۋرستارىن ماقساتتى پايدالانىلۋىن جۇزەگە اسىرسىن,
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ەگىنشىلىك دەپارتامەنتى (بۋتس ا.ا.) زاڭنامامەن بەلگىلەنگەن تارتىپتە قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتى مەملەكەتتىك تىركەۋدى جانە ونى رەسمي جاريالانۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ اۋىل شارۋاشىلىعى ۆيتسە-ءمينيسترى گ.س.يساەۆاعا جۇكتەلسىن.
4. وسى بۇيرىق مەملەكەتتىك تىركەۋدەن وتكەن كۇننەن باستاپ قولدانىسقا ەنگىزىلەدى جانە رەسمي جاريالانۋى ءتيىس.
مينيستر ا.مامىتبەكوۆ.