قر پارلامەنتى سەناتى توراعاسىنىڭ ورىنباسارى بولىپ ولگا پەرەپەچينا سايلاندى, دەپ حابارلايدى Egemen.kz.
كونستيتۋتسيالىق نورمالارعا سايكەس, پالاتا توراعاسىنىڭ ورىنباسارىنا كانديداتۋرانى سەنات توراعاسى ۇسىنادى.
«وسى قۇقىقتى پايدالانا وتىرىپ بۇل لاۋازىمعا ولگا ۆالەنتينوۆنا پەرەپەچينانىڭ كانديداتۋراسىن ۇسىنامىن. ولگا ۆالەنتينوۆنانى بارشاڭىز جاقسى بىلەسىزدەر, ءوز ءىسىنىڭ ناعىز مامانى, تاجىريبەلى سەناتور. سوڭعى ءتورت جىلدان استام ۋاقىتتا سەناتتىڭ قارجى جانە بيۋدجەت كوميتەتىن باسقاردى», دەدى سەنات توراعاسى ماۋلەن اشىمباەۆ پالاتانىڭ جالپى وتىرىسىندا.
سەنات رەگلامەنتىنە سايكەس, پالاتا توراعاسىنىڭ ورىنباسارىن سايلاۋ تۋرالى قاۋلى اشىق داۋىس بەرۋ ارقىلى قابىلداندى. دەپۋتاتتار بۇل شەشىمدى ءبىراۋىزدان قولدادى.
ايتا كەتەيىك, ق.توقاەۆتىڭ تاعى ءبىر جارلىعىمەن نۇرلان ءابدىروۆتىڭ سەنات دەپۋتاتى رەتىندەگى وكىلەتتىگى توقتاتىلدى.