مەملەكەت باسشىسى نۇرسۇلتان نازارباەۆ ۇلتتىق بانك توراعاسى قايرات كەلىمبەتوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا ەلىمىزدىڭ قارجى سالاسى مەن بانك جۇيەسىنىڭ جاي-كۇيى تالقىلاندى, سونداي-اق, حالىقارالىق قارجى نارىعىنداعى احۋال قارالدى.
ق.كەلىمبەتوۆ 2014 جىلدىڭ اقپان ايىندا ۇلتتىق بانكتىڭ جالپى حالىقارالىق رەزەرۆتەرى 26 ملرد. دوللارعا دەيىن, ياعني 6,1%-عا ۇلعايعانىن حابارلادى.
جالپى, ەلدىڭ حالىقارالىق رەزەرۆتەرى ۇلتتىق قوردىڭ شەتەلدىك ۆاليۋتاداعى اكتيۆتەرىن قوسقاندا 2,1%-عا ءوسىپ, 97,6 ملرد. دوللارعا جەتتى.
كەزدەسۋ قورىتىندىسىندا نۇرسۇلتان نازارباەۆ الەمدەگى سوڭعى وقيعالارعا بايلانىستى ولاردىڭ وتاندىق ەكونوميكاعا ىقپالىنا ۇدايى تالداۋ جانە مونيتورينگ جۇرگىزىپ وتىرۋدى تاپسىردى.
سۋرەتتى تۇسىرگەندەر
س.بوندارەنكو, ب.وتارباەۆ.