اسا اۋىر سالماقتاعى قازاقستاننىڭ كاسىپقوي بوكسشىسى جان كوسوبۋتسكي 19 اقپاندا گەرمانيانىڭ گامبۋرگ قالاسىندا WBC International نۇسقاسىنىڭ چەمپيوندىق بەلبەۋى ءۇشىن جۇدىرىقتاسادى.
قازىرگى ۋاقىتتا قوس تاراپ كەلىسسوزدەر جۇرگىزۋدە. جاننىڭ قارسىلاسى جايىندا ايتار بولساق, ول – جوان ديۋوپا. 5 اقپاندا 41 جاسقا تولعالى وتىرعان فرانتسيالىق بوكسشى 2004 جىلدان بەرى كاسىپقوي رينگتە ونەر كورسەتۋدە. سول ارالىقتا 45 كەزدەسۋ وتكىزىپ, 39 رەت جەڭىسكە جەتتى. 26 قارسىلاسىن ەسىنەن تاندىردى. 2015 جىلى جوان WBA نۇسقاسىنىڭ التىن بەلبەۋى ءۇشىن تالاستى. بىراق اقش-تىڭ اتاقتى بوكسشىسى دەونتەي ۋايلدەردەن 11-راۋندتا نوكاۋتپەن ۇتىلدى.
33 جاستاعى جان كوسوبۋتسكي كاسىپقويلار اراسىندا 2017 جىلدان بەرى كۇش سىناسۋدا. سول ارالىقتا 17 رەت شارشى الاڭعا كوتەرىلگەن جەرلەسىمىز بارلىق باسەكەنى ءوز پايداسىنا شەشىپ, 16 قارسىلاسىن ايقىن باسىمدىقپەن ۇتتى.