تۇماۋ ىندەتتى ۋشىقتىرىپ جىبەردى

بۇدان بۇرىن جازعا­نى­مىزداي, قاراشانىڭ ورتاسىنان جەلتوقساننىڭ اياعىنا دەيىن ىندەتكە شال­­­­دىققان ادامدار سانى ءبىر­شاما ازاي­عان. ينفەك­تسيالىق اۋرۋ­حاناداعى تو­سەكتىك ورىننىڭ 17%-ى عانا قامتىلدى. الايدا ماماندار 10 قاڭتاردان باستاپ سىرقاتتانۋشىلار سانىنىڭ كۇرت وسكەنىن بايقاپ وتىر. وتكەن اپتادا اۋرۋحاناعا تۇسۋشىلەر سانى 160-تان 221-گە كوبەيگەن. سونىڭ ىشىندە 11 ادامنىڭ ءحالى وتە اۋىر.

كەيىنگى اپتادا ناۋقاس جانداردىڭ سانى الدىڭعى اپتادان 2 ەسە, ياعني 167-دەن 341-گە ارتقان. اۋداندار اراسىندا ايىرتاۋ اۋدا­نىنداعى احۋال ءتىپتى كۇر­دەلى, وسى كەزەڭدە وندا اۋ­رۋ جۇقتىرعاندار سانى 7 ەسە ارتتى. وبلىستاعى ناۋ­قاستاردىڭ جاس شامالارىنا قاراساق, اۋىرعانداردىڭ اراسىندا 60 جاستان اس­قان­دار – 20%, 50-59 جاس ارالى­عىنداعىلار – 17%, 40-49 جاس ارالىعىنداعىلار – 15% جانە 19-29 جاس ارا­لى­عىنداعىلار 18%-دى قۇراپ وتىر.

قاڭتار ايىندا ىندەت جۇقتىرعان اياعى اۋىر ايەل­دەر سانى دا ارتقان. كۇن سايىن ورتا ەسەپپەن وسىنداي 8 ايەلدىڭ بويىنان كۆي انىقتالىپ جاتىر. وبلىستا سىرقاتتانعان جۇكتى ايەلدەردىڭ جالپى سانى 684 بولعان ەدى, سونىڭ 661-ءى ەمدەلىپ شىققان.

قاڭتاردىڭ باسىندا بالالار اراسىندا سىرقات­تانعاندار سانى 40%-عا دەيىن ازايعان ەدى. 18 قاڭتار­دان بەرى ولاردىڭ سانى كۇرت كوتەرىلىپ, قازىر 135-كە جەتىپ وتىر. بۇگىندە تاۋلىگىنە 28 بالاعا دەيىن ىندەتكە ۇشىراۋدا.

وكىنىشكە قاراي, وسى كۇنگە دەيىن وبلىستا 456 ادام ىندەتتەن كوز جۇمدى. سونىڭ 5%-ى ۆاكتسينانىڭ تولىق كومپونەنتىن العان. قازىر وبلىستا ىندەتتىڭ «دەل­­تا» مەن «وميكرون» شتامدارى قاتار ءجۇرىپ جاتىر.

وبلىستاعى ەپيدەميالىق جاعدايدى ماۋسىمدىق تۇماۋ دا قوزدىرىپ تۇر. وسى قىستا 17 814 ادام تۇماۋراتتى. بۇل – ءاربىر 100 مىڭ ادامعا 3 105 ادامنان كەلەدى دەگەن ءسوز. وتكەن جىلدىڭ سايكەس مەرزىمىمەن سالىستىرعاندا بۇل 34%-عا جوعارى.

ىندەتكە قارسى نەگىزگى قا­رۋ – ۆاكتسينا. بۇگىنگە دەيىن وبلىس حالقىنىڭ 76,22%-ى نەمەسە 282 576 ادام ۆاك­تسينا الدى. سونىڭ ىشىندە 260 788 ادام ۆاكتسينانىڭ ەكىنشى كومپونەنتىن دە سالدىردى. بۇل تۇرعىدان وبلىس رەسپۋبليكانىڭ باسقا وڭىرلەرىمەن سالىستىرعاندا 8-ورىندا تۇر. دەگەنمەن وبلىستىڭ بارلىق اۋدانىندا ۆاكتسينا سالۋ قارقىنى تومەن جاعدايدا دەپ ايتۋ­عا بولادى. مىسالى, شال اقىن, ع.مۇسىرەپوۆ, تايىن­شا اۋدان­دارىندا بۇل كورسەتكىش 12-16 پايىز­دان اسپايدى. حالىق ۆاكتسينانىڭ پايداسىن ءالى تولىق مويىنداماي وتىر.

قازىر وبلىسقا Comir­nati (Pfizer) ۆاكتسيناسىنىڭ 72 540 دوزاسى جەتكىزىلگەن. ونىڭ ءبىرىنشى كومپونەنتى 7 836 ادامعا سالىندى. سو­نىڭ ىشىندە 6 016 بالاعا, 242 اياعى اۋىر ايەلگە جانە 1 578 بوسانعان ايەلگە سالىندى. ال ەكى كومپونەن­­­تىن دە سالدىرعاندار سانى – 5 195 ادام. سونىڭ ىشىندە 4 057-ءسى – بالالار.

وبلىستىڭ ءۋاليحانوۆ, ع.مۇسىرەپوۆ جانە قىزىلجار اۋداندارى «قىزىل ايماقتا» تۇر. سونداي-اق №3 ەمحانا, جەكەمەنشىك «دەنساۋلىق» ەمدەۋ ورنى – «قىزىل ايماقتا». ال بۇرىن «قىزىل ايماقتا» بولعان تايىنشا, ايىرتاۋ اۋداندارىندا ۆاكتسينا سالۋ قارقىنى ارتىپ, شەكتەۋ شارالارى دا جەڭىلدەدى. قازىر شال اقىن, م.جۇماباەۆ جانە تايىنشا اۋداندارىندا حالىقتى ۆاكتسينامەن قامتۋ جوعارى قارقىنمەن ارتىپ كەلەدى. وبلىستىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى نۇرلان ايمانوۆتىڭ ايتۋىنشا, ۆاكتسينا سالدىرۋ اۋقىمى تومەن اۋدانداردا اۋرۋحاناعا ءتۇسۋ كوەففيتسيەنتى دە جوعارى.

وبلىستاعى ىندەتپەن كۇرە­سىپ جاتقان دارىگەرلەر سانى – 131, مەدبيكەلەر – 337, تومەنگى ساناتتاعى جۇمىسكەرلەر سانى – 305 ادام. ينفەكتسيالىق ستاتسيونارلار بۇگىنگى تاڭدا ەكى ايلىق ءدارى-دارمەك قورىمەن قامتاماسىز ەتىلگەن.

سولتۇستىك قازاقستان وبلىسى