يسپانيالىق Soloboxeo.com سايتىنىڭ قىزمەتكەرى ەكىنشى ورتا سالماق دارەجەسىندەگى الەمنىڭ ءابسوليۋتتى چەمپيونى ساۋل «كانەلو» الۆارەس پەن گەننادي گولوۆكين اراسىنداعى ءوتۋى مۇمكىن ءۇشىنشى جەكپە-جەككە قاتىستى بولجام جاسادى, دەپ حابارلايدى Egemen.kz.
«ەكى بوكسشىنىڭ شەبەرلىگى, دەڭگەيى, سوققىسىنىڭ جويقىندىعى تەڭدەي دەۋگە بولادى. ەكەۋىنىڭ فيزيكالىق الەۋەتى تەڭ بولعانىنا قاراماستان, گەننادي گولوۆكيننىڭ جاسى كەلىپ قالدى. ونىڭ ۇستىنە قازاق بوكسشىسى سوڭعى جىلدارى شارشى الاڭعا تىم سيرەك شىعىپ ءجۇر. ال الۆارەس ناعىز بابىنا كەلدى. ول كەز كەلگەن قارسىلاسىن جەڭە الاتىن الەۋەتكە يە. سوندىقتان ءۇشىنشى جەكپە-جەك وتسە الۆارەس ۇپاي سانىمەن سەنىمدى تۇردە جەڭىسكە جەتەدى», دەپ جازدى سايت قىزمەتكەرى.