سولتۇستىك قازاقستان وبلىسىنىڭ توتەنشە جاعداي رەجىمىنەن شىعىپ, حالىقتىڭ ەركىن تىنىستاعانى كەشە عانا ەدى, ەندى ىندەت بويىنشا مارتەبەسى «جاسىلدان» «سارىعا» اۋىسىپ, قايتادان قادامدارى تۇسالىپ قالدى.
ىندەتكە شالدىققانداردىڭ جالپى سانى 35 162 ادامعا جەتتى. سيمپتومى بىلىنگەندەرى 78 پايىز بولسا, قالعانىنىڭ بەلگىلەرى جوق. سونىڭ ىشىندە سوڭعى تاۋلىكتەگى اۋىرعانداردىڭ سانى 59 ادام بولىپ وتىر. ونىڭ 31-ءى پەتروپاۆل قالاسىنان شىقتى. اۋداندار اراسىندا ناۋقاسى بەلگىلى بولعان 9 ادامى بار قىزىلجار اۋدانى كوش باستاۋدا. ەسىل, تايىنشا, شال اقىن اۋداندارىندا دا 4-6 ادامنىڭ بويىنان ىندەت تابىلعان.
قازىر وبلىستا ىندەتتى انىقتاۋ بويىنشا ءتورت زەرتحانا جۇمىس ىستەيدى. ولار جامان ىندەت باستالعاننان بەرى 570 مىڭنان ارتىق ادامدى (كەيبىرىن ەكى رەتتەن) پتر تەستىلەۋدەن وتكىزگەن.
بۇگىنگە دەيىن وبلىس اۋماعىندا 281 067 ادام ۆاكتسينانىڭ ءبىرىنشى كومپونەنتىن, 258 773 ادام ەكىنشى كومپونەنتىن ەككىزدى. بىلتىر 8 جەلتوقساننان باستاپ رەۆاكتسينالاۋ ەنگىزىلگەنى بەلگىلى. قازىر ۆاكتسينانىڭ تولىق كۋرسىن العانداردىڭ ءوزى ءۇش ايدان كەيىن رەۆاكتسينالاۋدان وتەدى. بۇگىنگە دەيىن وبلىستا 41 693 ادام قايتا ۆاكتسينا الدى. «فايزەر» ۆاكتسيناسىن العاندار سانى – 7 232 ادام, سونىڭ ىشىندە 5 510 ءجاسوسپىرىم جانە 1 489 بالا ەمىزەتىن انالار, 233 اياعى اۋىر ايەلدەر ەكپە الدى.
مونيتورينگتىك توپتاردىڭ جۇمىسى دا جالعاسۋدا. جاڭا جىلدان بەرى ولار 105 نىساندى قامتىعان 26 رەيد وتكىزدى. Ashyq جوباسىنىڭ تالاپتارىن ورىنداماعاندارعا جالپى سوماسى 7 ملن تەڭگەدەن اسقان 168 ايىپپۇل سالىندى.
شەكارادان وتكەن ادامداردى تەستىلەۋ بارىسىندا بارلىعى 316 ادامنىڭ بويىنان ىندەت تابىلدى. ونىڭ 275-ءى امبۋلاتوريالىق ەمدەلۋگە جىبەرىلىپ, 41-ءى ينفەكتسيالىق ستاتسيونارعا جاتقىزىلدى. ال 1 746 ادام پتر انىقتاماسى بولماعاندىقتان شەكارادان وتكىزىلمەدى.
ءوڭىر قازىر توتەنشە جاعدايدىڭ دا «سارى» دەڭگەيىندە. بۇل ءوڭىردىڭ قاۋىپتەن تولىق ارىلماعانىن بىلدىرەدى. ءالى دە لاڭكەستىك قاۋىپ تۋى مۇمكىن. سوندىقتان 26 قاڭتارعا دەيىن قۇقىق قورعاۋ ورگاندارىنىڭ جەدەل جۇمىستارى جالعاستىرىلادى. پەتروپاۆلداعى جانە كەيبىر اۋدان ورتالىقتارىنداعى ماڭىزدى مەملەكەتتىك جانە ستراتەگيالىق نىساندار قاتاڭ كۇزەتىلەدى.
سولتۇستىك قازاقستان وبلىسى