شاعىن فۋتبولدان ۋەفا كۋبوگىنىڭ فينالدىق كەزەڭىنە جەرەبە تارتىلدى.
ازەربايجان استاناسى باكۋ قالاسىندا وتكەن جەرەبە تارتۋ ءراسىمىنىڭ قورىتىندىسى بويىنشا الماتىنىڭ «قايراتى» ۋەفا كۋبوگىنىڭ جارتىلاي فينالىندا ماسكەۋدىڭ «دينامو» كومانداسىمەن كەزدەسەتىن بولىپ شەشىلدى. ال, ەكىنشى جۇپتا ازەربايجاندىق «اراز» كلۋبى مەن يسپاندىق «بارسەلونا» كوماندالارى وينايتىن بولادى. «قايرات» پەن «دينامو» اراسىنداعى جارتىلاي فينالدىق كەزدەسۋ 24 ءساۋىر كۇنى وتسە, «اراز» بەن «بارسەلونا» اراسىنداعى ماتچ تا سول كۇنى وتەدى. ال ءۇشىنشى ورىن ءۇشىن وتەتىن كەزدەسۋ 25 ءساۋىر كۇنى بولسا, فينال 26 ءساۋىر كۇنى باكۋدە وتەدى.
بىلتىر ۋەفا كۋبوگىن «قايرات» كومانداسىنىڭ جەڭىپ العانىن بىلەمىز. سوندىقتان الماتىلىق كلۋبتىڭ تاعى دا شاعىن فۋتبولدان كارى قۇرلىقتىڭ باستى كۋبوگىن ەلگە الىپ كەلەدى دەگەن ۇمىتتەمىز. وسى جەردە ءبىر ايتا كەتەتىن نارسە, بىلتىر «قايرات» وسى كۋبوكتى جەڭىپ العاننان باستاپ رەسمي ماتچتاردا دا جولداستىق كەزدەسۋلەردە دە جەڭىلمەي كەلەدى.
داستان كەنجالين,
«ەگەمەن قازاقستان».