اقمولا وبلىسىندا قولايسىز اۋا رايىنا بايلانىستى رەسپۋبليكالىق ماڭىزى بار ەكى جول بولىگى جابىلدى, دەپ حابارلايدى Egemen.kz.
بۇل تۋرالى «قازاۆتوجول» ۇك اق ءباسپاسوز قىزمەتى مالىمدەدى.
اقمولا وبلىسىندا بوران سوعىپ, قار جاۋىپ, جولدىڭ كورىنبەۋىنە بايلانىستى 16 قاڭتار ساعات 23:00-دەن باستاپ ماكينسك - اقسۋ - تورعاي بولىگىندە كولىكتىڭ بارلىق تۇرلەرى ءۇشىن قوزعالىس جابىلدى. (ماكينسك قالاسى - تورعاي اۋىلى), ەكاتەرينبۋرگ - الماتى جولى (1114-1227 كم, جالتىر ستانتسياسى - قاجىمۇقان اۋىلى).
سونداي-اق, 16 قاڭتاردا ساعات 23.30-دان باستاپ بوران سوعىپ, قار جاۋىپ, جولدىڭ كورىنبەۋىنە بايلانىستى رەسپۋبليكالىق ماڭىزى بار جول بولىگى ەكاتەرينبۋرگ-الماتى تاس جولى (1229-1426 كم, نۇر-سۇلتان قالاسى - شەكارا) جولاۋشىلار جانە جۇك كولىكتەرىنىڭ قوزعالىسىنا شەكتەۋ قويىلدى.
مينيسترلىك توتەنشە جاعدايدىڭ الدىن الۋ ماقساتىندا كولىك جۇرگىزۋشىلەرىنە الىس ساپارعا شىقپاۋعا كەڭەس بەردى.