وڭىردە ءبىر تاۋلىكتە 323 تۇرعىننىڭ كوروناۆيرۋس ىندەتىن جۇقتىرعانى بەلگىلى بولعان, دەپ حابارلايدى Egemen.kz. inform.kz-كە سىلتەمە جاساپ.
وبلىستا كۇنى كەشە عانا ەپيدەميولوگيالىق جاعدايدىڭ ۋشىققانى ناقتىلاندى. بۇگىندە ءوڭىر «قىزىل» ايماققا كىرگەن وبلىستاردىڭ قاتارىندا.
«تاۋلىك ىشىندە 323 ادامنىڭ كوروناۆيرۋس دەرتىنە شالدىققانى بەلگىلى بولدى. ونىڭ 197-ءى ۆيرۋستىڭ سيمپتومدى تۇرىمەن اۋىرعان. اقتوبە قالاسىنان بولەك, العا, مارتوك, مۇعالجار, تەمىر, ويىل, حرومتاۋ, شالقار اۋداندارىندا دا دەرتكە شالدىققاندار از ەمەس», دەلىنگەن اقتوبە وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتى تاراتقان حابارلامادا.