كومەندانتتىق ساعات كەزىندە ەلوردادا اۋەجاي مەن تەمىرجول ۆوكزالدارىنان جولاۋشىلاردى قارسى الۋعا جانە شىعارىپ سالۋعا رۇقسات بەرىلەدى. مىندەتتى شارت – بيلەتتىڭ (فوتو) جانە جەكە باستى كۋالاندىراتىن قۇجاتتارىنىڭ وزىمەن بىرگە بولۋى, دەپ حابارلايدى Egemen.kz.
بۇل شارالار جولاۋشىلارعا ىڭعايلى بولۋ ءۇشىن قابىلداندى.
سونداي-اق كومەندانتتىق ساعات كەزىندە جولاۋشىلاردى جەتكىزۋ ماقساتىندا قالا اكىمدىگىنىڭ كولىك جانە جول-كولىك ينفراقۇرىلىمىن دامىتۋ باسقارماسى مەن CTS جشس «نۇرسۇلتان نازارباەۆ حالىقارالىق اۋەجايى» – «نۇرلى جول ۆوكزالى» قاتىناسىنداعى مارشرۋتتىق اۆتوبۋستاردى ارنايى ىسكە قوستى, ولار 21:00-دەن تاڭعى 06:00-گە دەيىن قاتىنايدى.
كومەنداتۋرا قالادا كومەندانتتىق ساعات 23:00-دەن تاڭعى 07:00-گە دەيىن ەكەنىن ەسكە سالدى. قالا تۇرعىندارىنا سىرتقا شىعۋعا تىيىم سالىنادى. ەلوردانى قۇقىق قورعاۋ ورگاندارى تاۋلىك بويى كۇزەتەدى.
قوسىمشا اقپارات الۋ ءۇشىن ازاماتتار كومەنداتۋرانىڭ جەدەل شتابىنا 71 60 20 ءنومىرى بويىنشا نەمەسە «IKomek109» قىزمەتىنە حابارلاسا الادى.