ەرلان باتتاقوۆ ساۋدا جانە ينتەگراتسيا ءبىرىنشى ۆيتسە-ءمينيسترى بولىپ تاعايىندالدى

«قازاقستان رەسپۋبليكاسى ۇكىمەتىنىڭ قاۋلىسىمەن ەرلان ەركىن ۇلى باتتاقوۆ قازاقستان رەسپۋبليكاسىنىڭ ساۋدا جانە ينتەگراتسيا ءبىرىنشى ۆيتسە-ءمينيسترى قىزمەتىنە تاعايىندالدى», دەلىنگەن حابارلامادا.

سونداي-اق, قازاقستان رەسپۋبليكاسى ۇكىمەتىنىڭ قاۋلىسىمەن ەرجان قالدىباي ۇلى قازانباەۆ باسقا جۇمىسقا اۋىسۋىنا بايلانىستى قازاقستان رەسپۋبليكاسىنىڭ ساۋدا جانە ينتەگراتسيا ۆيتسە-ءمينيسترى قىزمەتىنەن بوساتىلدى.

ەرلان باتتاقوۆ 1969 جىلى 9 قازاندا قاراعاندى قالاسىندا دۇنيەگە كەلگەن. قاراعاندى پوليتەحنيكالىق ينستيتۋتىن جانە مەملەكەتتىك ستاتيستيكا كوميتەتى مەن قازاقستان رەسپۋبليكاسى ەڭبەك مينيسترلىگىنىڭ رسبجي بىتىرگەن.

ەڭبەك جولىن 1992 جىلى قاراعاندى پوليتەحنيكالىق ينستيتۋتىنىڭ قۇرىلىس ماتەريالدارى جانە بۇيىمدارى تەحنولوگياسى كافەدراسىنىڭ زەرتتەۋشى تاعىلىمگەرى رەتىندە باستادى.

1995-1996 جىلدارى – «الاتاۋ ينۆەست» قفي باس مامانى, باس ديرەكتوردىڭ ينۆەستيتسيالار جونىندەگى ورىنباسارى.

1996 جىلى - قازاقستان رەسپۋبليكاسى باعالى قاعازدار جونىندەگى ۇلتتىق كوميسسياسى باعالى قاعازدار نارىعىن رەتتەۋ باسقارماسىنىڭ مامانى, باعالى قاعازدار نارىعىنداعى كاسىبي قىزمەتتى ليتسەنزيالاۋ ءبولىمىنىڭ باستىعى.

1996-2007 جىلدارى – «ازىق-ت ۇلىك كەلىسىم شارت كورپوراتسياسى» اق باس مامانى, ءبولىم باستىعى, باسقارما باستىعى, قارجى ديرەكتورى.

2007-2012 جىلدارى - قازاقستان رەسپۋبليكاسى پرەزيدەنتى ءىس باسقارماسىنىڭ بيۋدجەتتىك باعدارلامالاردى جوسپارلاۋ جانە قارجىلاندىرۋ ءبولىمىنىڭ قارجى-تالداۋ سەكتورىنىڭ مەڭگەرۋشىسى, بيۋدجەتتىك باعدارلامالاردى جوسپارلاۋ جانە قارجىلاندىرۋ ءبولىمىنىڭ مەڭگەرۋشىسى.

2012-2019 جىلدارى - قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى, ءبىرىنشى ورىنباسارى.

2019 جىلعى ناۋرىزدان باستاپ قازاقستان رەسپۋبليكاسى پرەزيدەنتىنىڭ ءىس باسقارۋشىسى.