ۇلتتىق قاۋىپسىزدىك كوميتەتى نۇر-سۇلتان, شىمكەنت قالالارى جانە 12 وبلىستا لاڭكەستىك قاۋىپ دەڭگەيى تومەندەگەنىن جانە تەرروريستىك قاۋىپتىڭ قىزىل دەڭگەيى الىپ تاستالعانىن حابارلادى, دەپ حابارلايدى Egemen.kz.
قازىر قازاقستان رەسپۋبليكاسىنىڭ 14 وڭىرىندە جاعداي تۇراقتالعان.
«وسى سەبەپتى تەرروريزمگە قارسى كۇرەس جونىندەگى رەسپۋبليكالىق جەدەل شتاب (رجش) نۇر-سۇلتان, شىمكەنت قالالارى, اقمولا, اقتوبە, اتىراۋ, شىعىس قازاقستان, باتىس قازاقستان, قاراعاندى, قىزىلوردا, قوستاناي, ماڭعىستاۋ, پاۆلودار, سولتۇستىك قازاقستان جانە تۇركىستان وبلىستارى اۋماعىندا تەرروريزمگە قارسى وپەراتسيا اياقتالعانىن جانە تەرروريستىك قاۋىپتىڭ شەكتى قىزىل دەڭگەيى جويىلعانى تۋرالى حابارلايدى.
بۇل رەتتە, الماتى قالاسىندا, الماتى جانە جامبىل وبلىستارىندا جاپپاي تارتىپسىزدىك كەزىندە تەرروريستىك جانە وزگە دە قىلمىستىق ارەكەتكە قاتىسى بار ادامداردى انىقتاۋ جانە ۇستاۋ بويىنشا شارالار ىسكە اسىرىلىپ جاتىر. تيىسىنشە وسى وڭىرلەردە تەرروريزمگە قارسى وپەراتسيا جالعاستىرىلىپ, تەرروريستىك قاۋىپتىڭ شەكتى قىزىل دەڭگەيى ساقتالادى», دەلىنگەن حابارلامادا.