الماتى اۋەجايى 13 قاڭتاردان باستاپ جۇمىسىن قايتا باستايدى. بۇل تۋرالى اۋەجايدىڭ ءباسپاسوز قىزمەتى ءمالىم ەتتى, دەپ حابارلايدى Egemen.kz.
«الماتى حالىقارالىق اۋەجايى 2022 جىلعى 13 قاڭتار, ساعات 00:00-دەن باستاپ ءوز قىزمەتىن قايتا باستايدى. الماتى قالاسىندا كومەندانتتىق ساعاتتىڭ ەنگىزىلۋىنە بايلانىستى اۋەجاي جۇمىسى 08:00-دەن 21:00-گە دەيىن جۇزەگە اسىرىلادى. ىشكى جانە حالىقارالىق رەيستەر ورىندالاتىن بولادى. قاۋىپسىزدىكتى قامتاماسىز ەتۋ ماقساتىندا تەرمينالعا كىرۋگە تەك جولاۋشىلارعا عانا رۇقسات ەتىلگەن», دەلىنگەن حابارلامادا.