الماتىدا جاپپاي تارتىپسىزدىك كەزىندە دۇكەن توناعان بەس ادام ۇستالدى, دەپ حابارلايدى Egemen.kz.
المالى اۋداندىق پوليتسيا باسقارماسىنىڭ مالىمەتىنشە, قالا ورتالىعىندا كۇندىزگى ۋاقىتتا 21-27 جاس ارالىعىنداعى بەس ادام ۇستالدى. ولاردىڭ ەكەۋى - قىزدار.
كۇدىكتىلەردىڭ ەسىرتكى تىعىپ جاتقانى بەلگىلى بولدى. ۇستالعانداردىڭ جالدامالى پاتەرىنەن بولشەك ساۋدا ءۇشىن ورالعان سينتەتيكالىق ەسىرتكى زاتى, سونداي-اق كۇدىكتىلەردەن توناۋ كەزىندە قىلمىستىق جولمەن العان تسيفرلىق قۇرال-جابدىقتار تابىلدى جانە تاركىلەندى.
بارلىعى 70-تەن استام ۇنتاقتى زاتى بار ماگنيتتىك بۋمالار, كومپيۋتەردىڭ ەكى پروتسەسسورى مەن مونيتورى, نوۋتبۋكتەر, تەلەديدارلار, پروەكتورلار, پەرنەتاقتالار, ۆيرتۋالدى ويىندارعا ارنالعان جابدىقتار. سونداي-اق اسكەريلەندىرىلگەن وق-دارىلەر تابىلدى جانە قىلمىستىق ءىس-ماتەريالدارىنا قوسىلدى.
كۇدىكتىلەر قاماۋعا الىنىپ, ولاردىڭ كىم ەكەنى جانە زاڭسىز ارەكەتتەرگە قاتىسى بار-جوعى تەكسەرىلۋدە.