ۇلىبريتانيالىق «مانچەستەر يۋنايتەد» فۋتبول كلۋبىنىڭ شابۋىلشىسى كريشتيانۋ رونالدۋ جاڭا ماۋسىمدا كاسىبي مانسابىندا ءوزىنىڭ بىتىسپەس قارسىلاسى بولعان ليونەل مەسسيمەن ءبىر كوماندادا ويناۋى مۇمكىن, دەپ حابارلايدى Egemen.kz.
سوڭعى دەرەكتەرگە زەر سالساق, فرانتسيانىڭ «پسج» فۋتبول كلۋبىنىڭ جەتەكشىلەرى كريشتيانۋ رونالدۋ اعىلشىندىق كوماندادان كەتكىسى كەلگەن جاعدايدا ونى ءوز قاتارلارىنا قوسۋعا دايىن. ءيا, «پسج» فۋتبول كلۋبىنىڭ باسشىلارى سونداي قادامعا بارۋعا ءازىر كورىنەدى. كلۋب جەتەكشىلەرى كوماندادان كەتۋگە بەل بۋعان كيليان مباپپەنىڭ ورنىن كريشتيانۋ رونالدۋمەن تولىقتىرماق.
36 جاسار كريشتيانۋ رونالدۋعا «مانچەستەر يۋنايتەد» فۋتبول كلۋبىنداعى قازىرگى احۋال, كوماندانىڭ باسشىلىعى ۇنامايدى. فۋتبولشىنىڭ ءوزى جاعداي وزگەرمەسە, ۇجىمنان كەتۋگە ءازىر ەكەنىن اگەنتىنە حابارلاپ تا قويعان. سوعان قاراعاندا ول جاڭا كومانداعا اۋىسۋعا نيەتتى سەكىلدى. ال «پسج» باسشىلارى 5 دۇركىن «التىن دوپ» يەگەرى كريشتيانۋ رونالدۋ مەن 7 دۇركىن «التىن دوپ» يەگەرى ليونەل مەسسيدى ءبىر كوماندادان كورۋگە قۇشتار.