قازاقستان رەسپۋبليكاسى پرەمەر-ءمينيسترى ورىنباسارىنىڭ – سىرتقى ىستەر ءمينيسترىنىڭ م.ا. مۇحتار تىلەۋبەردى ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) توراعاسى – پولشا رەسپۋبليكاسىنىڭ سىرتقى ىستەر ءمينيسترى زبيگنەۆ راۋمەن تەلەفون ارقىلى سويلەستى, دەپ حابارلايدى Egemen.kz.
بۇل تۋرالى ءسىم ءباسپاسوز قىزمەتى ءمالىم ەتتى.
مينيستر پولياك ارىپتەسىن ەلدەگى جاعداي تۋرالى, سونداي-اق ۇجىمدىق قاۋىپسىزدىك شارتى ۇيىمى بىتىمگەرشىلىك كۇشتەرىنىڭ قاتىسۋىمەن جۇرگىزىلىپ جاتقان تەرروريزمگە قارسى وپەراتسيا تۋرالى ەگجەي-تەگجەيلى حاباردار ەتتى.
ەقىۇ ءىس باسىنداعى توراعاسى جاقىنداعى قايعىلى وقيعالارعا بايلانىستى قازاقستانعا قولداۋ ءبىلدىرىپ, قازا تاپقان قازاقستاندىقتاردىڭ جانۇيالارىنا كوڭىل ايتتى جانە تەز ارادا شيەلەنىستىڭ دەەسكالاتسياسى مەن ەلدەگى جاعدايدىڭ تۇراقتانۋىن تىلەدى.
سونىمەن قاتار, تاراپتار ەكىجاقتى جانە كوپجاقتى ىنتىماقتاستىقتىڭ پەرسپەكتيۆالارىن تالقىلادى.