ءتيىمدى ماكروەكونوميكالىق ساياساتتى ىسكە اسىرۋ, جاھاندىق وزگەرىستەرگە بايلانىستى بولعان ينفلياتسيا دەڭگەيىن تومەندەتۋ جانە ماكروەكونوميكالىق تۇراقتىلىقتى قامتاماسىز ەتۋ باسىم مىندەتتەر بولىپ تابىلادى. بۇل تۋرالى قر پرەمەر-ءمينيسترى ءاليحان سمايىلوۆ قر پارلامەنتى ءماجىلىسىنىڭ وتىرىسىندا مالىمدەدى, دەپ حابارلايدى Egemen.kz.
«قۇرمەتتى پرەزيدەنت مىرزا, قۇرمەتتى دەپۋتاتتار! ماعان ارتقان سەنىمدەرىڭىز ءۇشىن العىسىمدى بىلدىرگىم كەلەدى. بۇل مەن ءۇشىن ۇلكەن جاۋاپكەرشىلىك. بۇگىنگى تاڭدا مەملەكەت باسشىسىنىڭ باسشىلىعىمەن بەيبىتشىلىك پەن كەلىسىمدى, ەلدىڭ تاۋەلسىزدىگىن, ۇلتتىق قاۋىپسىزدىكتى نىعايتۋ ءۇشىن ءوز حالقىن تىڭدايتىن مەملەكەت قۇرۋعا باعىتتالعان وزگەرىستەر بولىپ جاتىر. ازاماتتاردىڭ بارلىق زاڭدى تالاپتارى تىڭدالىپ, ىسكە اسىرىلاتىن بولادى. پرەزيدەنت مىرزا, ءسىزدىڭ ەلدەگى الەۋمەتتىك جاعدايدى تۇراقتاندىرۋ, حالىقتىڭ ءال-اۋقاتىن ارتتىرۋ جونىندەگى تاپسىرمالارىڭىز ۇكىمەت ءۇشىن باسىم مىندەت بولادى. ۇكىمەت پرەزيدەنتتىڭ وتىنىشتەرى, ۇسىنىلعان رەفورمالار, وسى تاپسىرمالار جانە بارلىق ستراتەگيالىق جانە باعدارلامالىق قۇجاتتار بويىنشا مىندەتتەردى ىسكە اسىراتىن بولادى», دەدى قر پرەمەر-ءمينيسترى.
ءاليحان سمايىلوۆتىڭ ايتۋىنشا, ءتيىمدى ماكروەكونوميكالىق ساياساتتى ىسكە اسىرۋ, جاھاندىق وزگەرىستەرگە بايلانىستى بولعان ينفلياتسيا دەڭگەيىن تومەندەتۋ جانە ماكروەكونوميكالىق تۇراقتىلىقتى قامتاماسىز ەتۋ باسىم مىندەتتەر بولىپ تابىلادى.