قازاقستاننىڭ ءبىرىنشى راكەتكاسى ەلەنا رىباكينا جاڭارتىلعان الەمدىك رەيتينگتە 13 ورىنعا كوتەرىلدى, دەپ حابارلايدى Egemen.kz.
قازاقستان تەننيس فەدەراتسياسى ءمالىم ەتكەندەي, قازاقستاندىق سپورتشى ءوزىنىڭ رەكوردتىق كورسەتكىشىنە قول جەتكىزىپ, ۇزدىك وندىققا جاقىندادى.
تاعى ءبىر قازاقستاندىق يۋليا پۋتينتسەۆا 43 ساتىدا بولسا, زارينا دياس 102-دەن 108-گە سىرعىدى. جۇپتىق سىندا ە.رىباكينا 50-دەن 52-گە تومەندەسە, اننا دانيلينا 75-ورىندا قالدى. جىبەك قۇلامباەۆا بىردەن 56 ساتى جوعارىلاپ, 319-ورىنعا جايعاستى. ەرلەر اراسىندا قازاقستاننىڭ ءبىرىنشى راكەتكاسى الەكساندر بۋبليك 35-ورىندا بولسا, دميتري پوپكو 180-نەن 177-گە, ميحايل كۋكۋشكين 182-دەن 180-گە كوتەرىلدى.
جۇپتىق سىندا اندرەي گولۋبەۆ 27-ءشى, مەلبۋرن ءتۋرنيرىنىڭ فينالىنا شىققان الەكساندر نەدوۆەسوۆ 69-ورىنعا ورنىقتى.
ەلەنا رىباكينا تاعى ءبىر ءىرى دودادا – سيدنەي تۋرنيرىندە ونەر كورسەتەدى. ول العاشقى اينالىمدا وتكەن جىلى ىرىكتەۋ سايىستارىنان ءوتىپ, اقش اشىق چەمپيوناتىنىڭ جەڭىمپازى اتانعان ۇلىبريتانيالىق ەمما رادۋكانۋمەن شەبەرلىك بايقاسادى.