«جولاۋشىلار تاسىمالى» اق الماتىدان نۇر-سۇلتان جانە اتىراۋ قالالارىنا قوسىمشا ءۇش پويىز قوستى.
«حالىق تاراپىنان ارتىپ وتىرعان سۇرانىسقا بايلانىستى «جولاۋشىلار تاسىمالى» اق الماتىدان نۇر-سۇلتان مەن اتىراۋعا قوسىمشا ءۇش كوممەرتسيالىق پويىز قوستى.
«الماتى-2 – نۇر-سۇلتان-1» باعىتىنداعى №205/206 العاشقى پويىز بۇگىن الماتى-2 ستانتسياسىنان شىقتى جانە ەرتەڭ, 9 قاڭتاردا ساعات 13.40-تا كەلەدى. بۇل پويىز ەرتەڭ, ساعات 16.20-دا كەرى باعىتتا قايتا اتتانادى.
«الماتى-2 – نۇر-سۇلتان نۇرلى جول» باعىتىنداعى №207/208 ەكىنشى پويىز بۇگىن, ساعات 21.35-تە الماتى-2 ستانتسياسىنان شىعادى. كەلۋى – كەلەسى كۇنى, ساعات 12.12-دە. كەرى باعىتتا بۇل پويىز نۇر-سۇلتاننان 9 قاڭتار كۇنى, ساعات 21.20-دا شىعادى», دەپ ءمالىم ەتتى «قازاقستان تەمىر جولى» ۇك» اق باق-پەن جۇمىس جونىندەگى دەپارتامەنت ديرەكتورى قايسار جۇماباي ۇلى.
ونىڭ اقپاراتىنشا, «الماتى-2 – اتىراۋ» باعىتىنداعى ءۇشىنشى پويىز (№211/212) الماتى-2 ستانتسياسىنان بۇگىن, ساعات 22.10-دا شىعىپ, 10 قاڭتار كۇنى اتىراۋعا ساعات 23.33-تە كەلەدى. بۇل پويىز الماتىعا قايتادان 11 قاڭتار كۇنى, تۇنگى ساعات ۇشتە شىعادى.
«ەسكە سالىپ وتەيىن, بارلىق پويىزدىڭ قوزعالىسى قالپىنا كەلتىرىلدى. جولاۋشىلار پويىزدارى ءوز كەستەلەرى بويىنشا قاتىناۋدا», دەپ قوستى ق.جۇماباي ۇلى.
بۇعان دەيىن حابارلانعانداي, 7 قاڭتار كۇنى «قتج» ۇك» اق تەمىرجول بيلەتتەرىن bilet.railways.kz سايتىندا جانە Kaspi.kz قوسىمشاسىندا ينتەرنەتسىز ساتىپ الۋعا مۇمكىندىك جاساعان بولاتىن.